ԵԱՀԿ Մինսկի խմբի համանախագահներն ու Հայաստանի և Ադրբեջանի ԱԳՆ ղեկավարները կհանդիպեն Ժնևում հոկտեմբերի 29-ին
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Թուրքիայի նախկին ԱԳ նախարարը դարձել է ԵԱՀԿ նոր գլխավոր քարտուղար
Արևմուտքը ստիպված ճանաչեց Վրաստանի ընտրությունները իրավական մասով, սակայն կշարունակի քաղաքական պայքարն՝ ընդդեմ իշխանության
«Մայր Հայաստան» նախաձեռնող խմբի անդամներ Բորիս Մուրազին, Ստեփան Դանիելյանը և Երվանդ Բոզոյանը քննարկել են կուսակցություններին վերաբերող հարցերը (տեսանյութ)
Ադրբեջանը հաստատել է, որ չի մասնակցելու ԵԱՀԿ ԽՎ երևանյան հանդիպմանը
Արարատ Միրզոյանը ելույթ է ունեցել ԵԱՀԿ ՄԽ հատուկ նիստին
ԵԱՀԿ Միսնկի խմբի համանախագահները (Իգոր Պոպովը Ռուսաստանից, Ստեֆան Վիսկոնտին Ֆրանսիայից և Էնդրյու Շոֆերը ԱՄՆ-ից) հոկտեմբերի 25-ին հայտարարություն են տարածել, որում ասվում է.
«Համանախագահները Վաշինգտոնում հոկտեմբերի 24-ին հանդիպել են Հայաստանի ԱԳ նախարար Զոհրաբ Մնացականյանի և Ադրբեջանի ԱԳ նախարար Ջեյհուն Բայրամովի հետ, ինչպես նաև մասնակցել են ԱՄՆ պետքարտուղարի տեղակալ Սթիվեն Բիգանի և ԱԳ նախարարների համատեղ հանդիպմանը: Հանդիումներին մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Համանախագահները կոչ են արել կողմերին անհապաղ քայլեր ձեռնարկել՝ իրագործելու համար Մոսկվայում հոկտեմբերի 10-ին կնքված համատեղ հայտարարության դրույթները՝ հաշվի առնելով, որ դրանք վերահաստատվել են Փարիզի հետ հոկտեմբերի 18-ին ձեռք բերված պարտավորվածությամբ: Համանախագահները հիշեցրել են կողմերին 2020 թվականի հոկտեմբերի 1-ի ԱՄՆ-ի, Ֆրանսիայի և Ռուսաստանի նախագահներ Դոնալդ Թրամփի, Էմանուել Մակրոնի և Վլադիմիր Պուտինի համատեղ հայտարարության, ինչպես նաև հոկտեմբերի 5-ի ԱՄՆ պետքարտուղար Մայքլ Պոմպեոյի, Ֆրանսիայի ԱԳ նախարար Ժան-Իվ Լե Դրիանի և ՌԴ ԱԳ նախարար Սերգեյ Լավրովի համատեղ հայտարարության մասին՝ կոչ անելով կողմերին դադարեցնել ռազմական գործողությունները և վերականգնել առարկայական բանակցությունները՝ ԼՂ հիմնախդիրը ԵԱՀԿ Մինսկի խմբի համանախագահների հովանու ներքո լուծելու համար:
Ինտենսիվ քննարկումների ընթացքում համանախագահները և ԱԳ նախարարները քննարկել են մարդասիրական հրադադարի անհապաղ իրագործումը, հրադադարի ռեժիմի մոնիթորինգի հնարավոր չափանիշները, համապարփակ լուծման հիմնական առարկայական տարրերի քննարկման նախաձեռնումը՝ հոկտեմբերի 10-ի համատեղ հայտարարության համաձայն: Համանախագահները և ԱԳ նախարարները համաձայնել են կրկին հանդիպել Ժնևում հոկտեմբերի 29-ին՝ քննարկելու և համաձայնության հասնելու, սկսելու Հայաստանի և Ադրբեջանի առաջնորդների կողմից ընդունված հիմնական սկզբունքների համապատասխան ԼՂ հակամարտության խաղաղ կարգավորմանը հասնելու համար բոլոր անհրաժեշտ քայլերի իրագործումը, որի ժամանակացույցը պետք է համաձայնեցվի»:
Հետևեք մեզ Facebook-ում