Ինտենսիվ մարտերը դեռ ընթանում են, Ադրբեջանն ունի մոտ 200 մարդկային կորուստ, մոտ 30 զրահատեխնիկայի և շուրջ 20 ԱԹՍ–ի կորուստ․ Արծրուն Հովհաննիսյան. Տեսանյութ
Հայկական միասնական տեղեկատվական կենտրոնում անցկացվող ասուլիսի ժամանակ ՊՆ ներկայացուցիչ Արծրուն Հովհաննիսյանը նշեց, որ մարտերը դեռ շարունակվում են, հակառակորդն ունի զգալի կորուստներ և ճշտված տեղեկություններով՝ Ադրբեջանն ունի մոտ 200-ից ավել մարդային կորուստ, 3 տասնյակին մոտ զրահատեխնիկայի կորուստ, 2 տասնյակին մոտ ԱԹՍ-ների և այլ սարքավորումների կորուստ:
Հարցին, թե ինչ գործիքակազմ կա այս պահին, որ հրադադարը վերականգնվի, Հովհաննիսյանը պատասխանեց, որ Հայաստանի պետական կառույցներն ու մարմինները մշտապես ինտենսիվ կապի մեջ են միջազգային համապատասխան մարմինների հետ:
Նա չնշեց այն քայլերի հաջորդականությունը և բնույթը, քանի որ այս պահին դրա մասին խոսելը տեղին չէ, սակայն, ըստ նրա՝ հայկական կողմի գործողությունները երբեք զուտ պաշտպանողական չեն եղել:
Խոսելով ադրբեջանական կողմի հայտարարությունների և տարածած տեսանյութերի մասին, որտեղ ցույց են տալիս, թե դիրքեր են գրավել կամ զինտեխնիկա են խոցել՝ Հովհաննիսյանը շեշտեց, որ յուրաքանչյուր կադրի մասին տեղեկությունները պարզվել են և դրանք կապ չունեն ներկայիս տիրող իրավիճակի հետ, ըստ նրա՝ Ադրբեջանի ձեռագիրն այս առումով այս անգամ նման չէ նախկիններին:
Մանրամասները՝ Tert.am-ի տեսանյութում: