Ամեն անգամ նման գրառումների հանդիպելիս ակամայից հիշում եմ Երևանի կենտրոնում հայ ոստիկանների սպանած ահաբեկիչներին պաշտպանող ու Սերժին հայհոյող սփյուռքահայ Արսինե Խանջյանին
Համացանցում շատ հաճախ կարելի է հանդիպել մեզ՝ ճակատագրի բերումով օտարության մեջ հայտնված, սակայն ամեն վայրկյան հայրենիքի ճակատագրով տառապող սփյուռքահայերիս ուղղված քննադատական գրառումների: Բովանդակությունը բոլորի դեպքում գրեթե նույնն է: «Հերիք է մեր իշխանություններին քննադատեք: Ով է ձեզ՝ Լոսում նստածներիդ, թույլատրել միջամտելու մեր ներքին հարցերին: Մեր իշխանությունները լավ թե վատ մերն են ու մենք գիտենք թե ինչ պիտի անենք»:
Ու չգիտես ինչո՞ւ ամեն անգամ նման գրառումների հանդիպելիս ակամայից հիշում եմ Երևանի կենտրոնում հայ ոստիկանների սպանած ահաբեկիչներին պաշտպանող ու Սերժին հայհոյող սփյուռքահայ Արսինե Խանջյանին: Որտեղից որտեղ հիշում եմ «հեղափոխության» օրերին նույն Արսինե Խանջյանի հետ Հանրապետության հրապարակի թագն ու պսակը դարձած Սերժ Թանկյանին: Իսկ նախկին իշխանություններին քննադատող ու հեղափոխության կառկառուն պաշտպան, այսօր արդեն Սփյուռքի գործերի գլխավոր հանձնակատար Գլենդելի նախկին քաղաքապետ Զարեհ Սինանյանն էլ հիշեցման կարիք չունի:
Ռոբերտ Մարգարյանի ֆեյսբուքյան էջից