Անջելինա Ջոլին պատանի հեռուստադիտողների համար նախատեսված սեփական հեռուստածրագիրը կթողարկի
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
«Աղոթում եմ Ուկրաինայի ժողովրդի համար». Անջելինա Ջոլի
Անջելինա Ջոլին հիացրել է երկրպագուներին բոլորովին անսովոր հանդերձանքով. Լուսանկար
«Ես բաժանվեցի հանուն երեխաներիս բարօրության, և դա ճիշտ որոշում էր»․ Անջելինա Ջոլին խոսել է Բրեդ Փիթի հետ ամուսնալուծության պատճառի մասին
Անջելինա Ջոլին մերկացել է Harper's Bazaar ամսագրի շապիկի համար. լուսանկար
«Լարա Քրոֆթ։ Դամբարաններ թալանողը» նոր կինոնկարի պաստառը զարմացրել է երկրպագուներին (լուսանկար)
Հոլիվուդյան հայտնի դերասանուհի, ռեժիսոր Անջելինա Ջոլին արդեն բավականին երկար ժամանակ է, ինչ բարեգործությամբ է զբաղվում և ձգտում է օգնել մարդկանց: Օրերս դերասանուհին պատանի հեռուստադիտողների համար նախատեսված, ժամանակակից աշխարհում արդի հարցերին վերաբերող հեռուստածրագրի պրոդյուսերական աշխատանքներն է ստանձնել, հայտնում է woman.ru կայքը:
Մեկուկես ժամ տևողությամբ «Իմ աշխարհը» ծրագիրը կհեռարձակվի ամեն կիրակի` BBC World News հեռուստաալիքով:
«Որպես ծնող` շատ ուրախ եմ ծրագրի ստեղծմանը մասնակցելու համար, քանի որ այն նպատակ ունի երեխաներին պատմել աշխարհի տարբեր անկյուններում իրենց հասակակիցների կյանքի մասին և օգնել նրանց համախմբվել»,-Variety-ին տված հարցազրույցում նշել է դերասանուհին:
Նախատեսվում է, որ ծրագիրն առաջին հերթին կօգնի երեխաներին, որոնք երկար ժամանակ են անցկացնում սոցիալական ցանցերում և պարբերաբար մեծահասակների համար նախատեսված կոնտենտի են բախվում:
Ծրագրում պատանի օգտատերերին կբացատրեն, թե ինչպես է պետք ստուգել տեղեկատվությունը, որ աղբյուրներին արժե վստահել: Հեղինակների կարծիքով` նմանատիպ ծրագիրն անհրաժեշտ է, քանի որ մեծահասակները հեշտորեն կարող են կեղծ նորությունների վերաբերյալ հոդվածներ գտնել և այդ թեմայի շուրջ առավել իրազեկ լինել, իսկ ահա երեխաների hամար նմանատիպ որևէ միջոց դեռ չկա, ուստի «Իմ աշխարհ»-ը կլրացնի այդ բացը:
Ծրագրում այլ երեխաների կյանքի մասին պատմությունները կօգնեն երիտասարդ հեռուստադիտողներին հաղթահարել իրենց սեփական խնդիրները, նրանց հնարավորություն կտրվի գիտակցել, որ այս աշխարհում միայնակ չեն:
Ծրագրում կանդրադառնան այնպիսի թեմաների, ինչպիսիք են կիբեռհարձակումը և արտաքին տեսքի պատճառով բարդույթները:
Աղբյուր՝ Tert.am
Հետևեք մեզ Facebook-ում