Եզրափակիչ բանավեճում խայտառակ պարտությունը վերջնականապես հունից հանել է կոնցլագերի «կլյուչնիկին»
Քաղաքագետ Դերենիկ Մալխասյանը նկատում է. «Մեկ շնչին բաժին ընկնող քաղաքական հետապնդվողների, բանտարկյալների թվով Նիկոլի ղեկավարած Հայաստանն աշխարհում առաջինն է։ Երկիրը սարքել է քաղաքական կոնցլագեր, ու որքան ավելի սուր է զգում պարտության սառը շունչը, այդքան մեծացնում է քաղաքական բռնաճնշումների ծավալը։
Անդրանիկ Թևանյանի ձերբակալությունն առաջին ահազանգն էր առ այն, որ Փաշինյան Նիկոլն այլևս ձևեր չի թափում ժողովրդավար երևալու, մարդու իրավունքներ հարգելու, ազատ ու արդար ընտրություններ կազմակերպելու թեմայով, այլ, ոտքերը սրբելով օրենքների ու Սահմանադրության վրա, ամեն գնով փորձում է վերարտադրվել։
Եթե իր վերարտադրության համար պետք լինի Հայաստանի կեսին բանտերը լցնել, առանց աչք թարթելու անելու է, պետք լինի նոր «Մարտի 1» հրահրել, առանց վարանելու անելու է։ Հրապարակավ հարձակվում ու բռնության են ենթարկում ընդդիմադիրներին, իրականացվում են մասսայական խուզարկություններ ու ձերբակալություններ ընդդիմության տարբեր թևերում։ Այս գործելաոճը ոչ մի աղերս չունի Նիկոլի հայտարարած ժողբաստիոնի հետ, սա կլասիկ կոնցլագեր կառուցելու փորձ է։
Ընտրություններից 2 օր առաջ եզրափակիչ բանավեճում խայտառակ պարտությունը վերջնականապես հունից հանել է կոնցլագերի «կլյուչնիկին»։ Հաղորդման ավարտից բառացի ժամեր անց կրկին մասսայական ձերբակալություններ ու խուզարկություններ ընդդիմության ճամբարում։ Ամենևին էլ բացառված չէ, որ մինչև ընտրությունները Փաշինյան Նիկոլը իրավապահ համակարգի միջոցով փորձի չեզոքացնելու իր հիմնական մրցակիցներին։ Այս քայլը վերջնականապես ապալեգիտիմացնելու է ընտրական պրոցեսն ու ընտրությունների արդյունքները։ Բայց անգամ հիմնական մրցակիցներին հակօրինական միջոցներով չեզոքացնելը որևէ երաշխիք չի տալիս, որ ինքը կարողանալու է պահել իշխանությունը։ Ավելին, Փաշինյան Նիկոլի այս խուճապային քայլերը հուշում են, որ ՔՊ-ն հանրային աջակցության համատեքստում արդեն կորցրել է իշխանությունը, պարզապես վերջին հուսահատ փորձերն են անում ֆորմալ իշխանությունը պահելու»։
Հետևեք մեզ Facebook-ում