Չեմ հերքում, որ մայրիկիս եղել են հորդորներ սեփական դիմումի հիման վրա ազատվել․ Նիկոլ Փաշինյանի հետ բանավիճած կնոջ դուստր (տեսանյութ)
Այսօր Նիկոլ Փաշինյանի հետ բանավիճած կնոջ՝ բժշկական գիտությունների թեկնածու մանկաբարձ-գինեկոլոգ Արփինե Սողոյանի դուստր՝ փաստաբան Տաթև Սողոյանը հայտնում է, որ պոլիկլինիկայում իր մայրիկին առաջարկել են աշխատանքից ազատման դիմում գրել։
Նա նշում է, որ մայրը երեք տասնամյակից ավելի փորձով բժիշկ է, իր ձեռքով լույս աշխարհ են եկել հազարավոր երեխաներ. «Շուրջ 20 տարի Քանաքեռ-Զեյթուն վարչական շրջանի պոլիկլինիկայում իր հսկողության ներքո գտնվող որևէ հղի որևէ բժշկական սխալի արդյունքում չի տուժել»։
«Բնականաբար, այս իրադրությունն անհետևանք չի մնացել, ունեցել է իր արձագանքը։ Ես չեմ հերքում, որ մայրիկիս եղել են հորդորներ սեփական դիմումի հիման վրա ազատվել։ Ես չեմ ուզում թիրախավորել կամ քննարկման առարկա դարձնել, թե ում միջոցով և այլն։ Ամեն ինչ իր պատասխանը կստանա, երբ որ ունենա իրավական հստակ ձևակերպում։
Բնականաբար, պետք է ասենք, որ այս իշխանության օրոք առաջին անգամ չէ, որ ընդդիմադիր հայացքներ ունեցող մարդիկ ենթարկվում են համապատասխան ճնշումների, ակնարկների, կարգապահական տույժերի»,- ասում է Տաթև Սողոյանը։
Հետևեք մեզ Facebook-ում