Ապարանի ավագ դպրոցի տնօրենը դասապրոցեսը դադարեցրել է, աշակերտներին տարել Փաշինյանի քարոզարշավին
«Իշխանություն» լրատվականին հայտնում են, որ դպրոցի տնօրենի ժամանակավոր պաշտոնակատարը ՔՊ-ական է։ Իսկ քիմիայի ուսուցիչը դպրոցի տնօրենի քույրիկն է։
Նշենք՝ News.am-ը ևս արձանագրել էր, որ Ապարան խոշորացված համայնքի երեք դպրոցների ուսուցիչներն ու աշակերտները մայիսի 13-ին ներկա են գտնվել «Քաղաքացիական պայմանագիր» կուսակցության նախընտրական քարոզարշավին:
Հատկանշական է, որ նույն օրը, «Իշխանություն» լրատվականի հետ զրույցում ԿԳՄՍ փոխնախարար Արթուր Մարտիրոսյանը հերքել էր այն տեղեկությունները, թե դպրոցների տնօրեններն ու աշակերտները աշխատանքային ժամերին մասնակցում են քարոզարշավին։ Փոխնախարարը վստահեցրել էր, որ նման դեպքեր գոյություն չունեն, իսկ տարածվող լուրերը՝ որակել որպես հերյուրանք։ Մինչդեռ դպրոցների ուսուցիչները տեսախցիկի առաջ ներկայացել էին, ավելին՝ լրագրողները ֆիքսել էին, թե ինչպես են ուսուցիչներին գազելներով բերում ՔՊ-ի հավաքին:
Հետևեք մեզ Facebook-ում