Բանակցությունների սեղանը ռմբակոծեցին. ամոթ նրանց. հոգևոր առաջնորդն աշխատանքի վայրում էր. Շիրղոլամի

Մենք ազնիվ կերպով մտանք մի բանակցությունների գործընթացի մեջ այն բարի կամքով և այն ցանկությամբ, որպեսզի բանակցությունների արդյունքում հասնենք երկու կողմերի համար ցանկալի արդյունքների։ Այս մասին՝ այսօր՝ մարտի 2–ին, մամուլի ասուլիսի ժամանակ հայտարարեց Հայաստանում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամին։

«Սակայն բանակցող մյուս կողմը ապացուցեց, որ նա չի կարող հավատարիմ մնալ մարդկային և բարոյականության ամենատարրական սկզբունքներին։ Դա նման է այն բանին, որ մենք այսօր ձեզ հրավիրենք մամուլի ասուլիսի և այդ ընթացքում ձեզ թիրախավորենք և ձեր նկատմամբ բռնություն կիրառենք։

Բանակցությունների վերջին փուլում, որ տեղի ունեցավ Ժնևում, շատ օպերատիվ և մանրամասն առաջարկներ մենք փոխանցեցինք ամերիկյան կողմին, և պայմանավորվեցինք, որ իրենք կուսումնասիրեն դրանք և մենք կստանանք իրենց արձագանքը։ Նորից կարող ենք ասել, որ բանակցությունների սեղանը ռմբակոծեցին»,–ասաց նա։

Դեսպանը հիշեցրեց, որ Իրանի թշնամիները հայտարարում էին, որ Իրանի հոգևոր առաջնորդը թաքնված է բունկերներում և որևէ վտանգ նրա կյանքին չի սպառնում. «Ամոթ նրանց, որ այն հայտարարությունները, որ նրանք անում էին, մեր հոգևոր առաջնորդը գտնվում էր իր առօրյա աշխատանքի վայրում։ Նա վստահ էր, որ եթե Իրանի քաղաքացիներին վտանգ է սպառնում, ապա ինքը բացատռություն չէ։

Ես չեմ կարծում, որ սա որևէ արվեստ է կամ ձեռք բերում է, երբ որ այն պետության, ում հետ որ դու բանակցություններ ես վարում և այդ պետության դեմ դու կիրառում ես ամենաառաջատար հրթիռները և ինքնաթիռները, սպանում ես այդ երկրի ղեկավարներին։

Նրանց ակնկալիքն այն էր, որ շոկի արդյունքում Իրանը կորցնի իր ինքնակառավարման ունակությունը և չկարողանա դիմադրել, չկարողանա որևէ քայլ ձեռնարկել այս ագրեսիայի դեմ։

Այս գործողությունների հետևանքով մեր ժողովրդի ազգային ձգտումները էլ ավելի ամրապնդվեցին։ Ուստի պետք չէ փնտրել  բարդ սցենարներ այն մասին, թե ինչպես են իմացել, թե որտեղ է գտնվում Իրանի Իսլամական Հանրապետության հոգևոր առաջնորդը։ Նա գտնվում էր իր աշխատանքի վայրում, որի տեղակայման վայրը Իրանի բոլոր քաղաքացիները գիտեն»,–ասաց նա։
Աղբյուր՝ News.am
Ասուլիսի ամբողջական տարբերակը՝ տեսանյութում, 168.am-ի յութուբյան էջից: