Հատկանշական է, որ Նիկոլ Փաշինյանին խաղաղության մրցանակը հանձնում է Շառլ Միշելը՝ Արցախի կործանման պատասխանատուներից մեկը. քաղաքագետ
Դիտել նաև
Այն, ինչ չկարողացան անել մոնղոլ-թաթարները, կարողացավ անել Նիկոլ Փաշինյանը
Դուք եք այս մթնոլորտի ու անմեղության կանխավարկածի մահվան հեղինակը․ Բենիամին Մաթևոսյանը՝ ՔՊ-ականներին
Լավրովը Երևանում վերահաստատեց՝ Փաշինյանն է Պրահայում հանձնել Արցախը
«Ձեզ ո՞վ է ասել, որ Վարդան Ղուկասյանին բանտարկելով իր խմբակցությունն իր ձեռքից կտանեք». Բենիամին Մաթևոսյան
2008 թվականի մարտի 1-ին Հայաստանը փրկվեց թուրքական կցորդի վերածելուց․ Բենիամին Մաթևոսյան
Քաղաքագետ Բենիամին Մաթևոսյանը ֆեյսբուքյան էջում նկատում է. «Նախընտրական խաղաղություն: Հարգելի՛ բարեկամներ, այսօր ամենաքննարկվող թեմաներից մեկը Աբու Դաբիում Նիկոլ Փաշինյանի և Իլհամ Ալիևի հանդիպումն է, որտեղ կողմերը մրցանակ ստացան «խաղաղության և եղբայրության» համար։
Սակայն գոյություն ունի մի երևույթ, որը կոչվում է հիշողություն, և այն բնավ վատ հատկություն չէ։ Հիշո՞ւմ եք այն ժամանակները, երբ Նիկոլ Փաշինյանն իր հետ ամենուր տանում էր մի գրքույկ՝ «100 փաստ հեղափոխության ձեռքբերումների մասին»։ Այդտեղ որպես կարևոր ձեռքբերում նշվում էր, որ Արցախի և Ադրբեջանի զինված ուժերի շփման գծում կրակոցներ չկան։
Ի՞նչ հաջորդեց դրան։ Արցախում տեղի ունեցած ընտրություններից հետո Փաշինյանը մեկնեց այնտեղ և, հանդես գալով որպես «խաղաղության աղավնի», շնորհավորեց Արայիկ Հարությունյանին ու պարեց հայկական Շուշիում։ Իսկ հետո սկսվեց պատերազմը։ Պատերազմին հաջորդեց Պրահայի հանդիպումը, որին էլ հաջորդեց 2023 թվականի էթնիկ զտումը, ու այսօր մենք կրկին տեսնում ենք, թե ինչպես է քարոզվում «խաղաղության» թեզը։
Հիմնական հղումը կատարվում է Վաշինգտոնյան փաստաթղթին, սակայն այդտեղ իրական խաղաղության մասին խոսք լինել չի կարող, քանի որ բացակայում են երաշխավորները. Ամերիկայի Միացյալ Նահանգներն այս գործընթացում պարզապես վկա է։
Եթե Ադրբեջանն իրոք խաղաղություն տենչար, ապա դուրս կբերեր իր զորքերը Ջերմուկի հարակից տարածքներից, կստորագրեր խաղաղության պայմանագիրը և չէր ֆինանսավորի «Արևմտյան Ադրբեջան» նախագիծը։ Սակայն իրականությունն այլ է։ Հատկանշական է, որ Նիկոլ Փաշինյանին խաղաղության մրցանակը հանձնում է Շառլ Միշելը՝ Արցախի կործանման պատասխանատուներից մեկը։ Այս շարքում տրամաբանական կլիներ տեսնել նաև Էմանուել Մակրոնին, ով դեռ 2022 թվականին էր խրախուսում Արցախի հանձնումը։
Հետևեք մեզ Facebook-ում