Հայի արժանապատվությունը չունի պարզաբանման կարիք. Գագիկ Սարգսյան
Հայաստանի դահուկային սպորտի ֆեդերացիայի նախագահ Գագիկ Սարգսյանը ֆեյսբուքյան էջում ներկայացրել է ԿԳՄՍՆ սպորտը համակարգող փոխնախարար Հասմիկ Ավագյանը հարցումը և իրենց պատասխանը: Որպես հետգրություն՝ նա նշել է. «Հայի արժանապատվությունը չունի պարզաբանման կարիք»:
Խոսքը դահուկորդ Միքայել Միքայելյանի խրախուսելի արարքի մասին է. նա կպչուն ժապավենով փակել է «ադրբեջան» գրությունը՝ մարզիկներին տրվող համարով ժիլետի վրա, ինչի համար մրցաշարի կազմակերպիչները որոշում են ընդունել Հայաստանի դահուկային ֆեդերացիային (մարզիկին) տուգանելու մասին: Փաշինյանի ԿԳՄՍ նախարարուհին օրերս թափանցիկ ակնարկել էր, թե մարզիկն այդպես չպիտի վարվեր, թե սպորտը մնում է սպորտ: Երևի ինքը մեծ սիրով հանդես կգար որևէ մարզաձևում՝ մարզաշապիկին «ադրբեջան» գրությամբ: Բայց դա քիչ համարելով, մի հատ էլ նրա տեղակալը պարզապանում է պահանջել ֆեդերացիայից: Եվ ստացել է պատասխանը:
Ինչևէ, ֆեդերացիայի նախագահը հստակ պատասխան է տվել, պարզորոշ նշվել է, որ նախընտրում են տուգանվել, քան թե թշնամականու մարդատյաց, հակահայ պետության անվանման գրությամբ ժիլետով հանդես գալ: Նա նշել է, որ Միքայելյանի քայլը առավել քան պարզ է և այն չունի պարզաբանման կարիք:
Ներկայացնում ենք ինչպես պարզապանման պահանջի գրությունը, այնպես էլ՝ պատասխանը (տես ներքևի լուսանկարները):
Հետևեք մեզ Facebook-ում