Կյանքն ու ճակատագիրը ցույց տվեցին, որ Նիկոլ Փաշինյանը միշտ երազել է Կճոյանի հետ գրկախառնվել. Ռուբեն Մխիթարյան

«Աշխարհի ոստիկանությունն էլ բերեն Գյումրի լցնեն, ընտրությունների ժամանակ  աշխարհի վարչական ռեսուրսն էլ կիրառեն, ինչպես իրենք 2018 թվականից ընտրված իշխանություն չեն ունեցել, այդպես էլ չեն ունենալու։ Իրենք միայն ուժով կարողանում են աթոռ զավքել, ինչը, որ հիմա անում են»,-լրագրողների հետ զրույցում ասաց Գյումրու ավագանու «Իմ հզոր համայնք» խմբակցության ղեկավար Ռուբեն Մխիթարյանը։

Նա վստահեցրեց, որ գյումրեցիների մեծ մասը երբեք իրենց ձայնը ՔՊ-ին չի տալու։

Անդրադառնալով հակառակի մասին Գևորգ Պապոյանի հայտարարությանը՝ Մխիթարյանն ասաց. «Պապոյանը դեռ թող իր խոստացած ներմուծած ցորենի հացն ուտի նոր խոսի, սոված փորին ինչ էլ ասես կխոսի»։

Նա հայտնեց, որ Փաշինյանի մասնակցությամբ պատարագը բոյկոտելու հարցում առաջինը իրենց վճռական խոսքն ասել են թեմի քահանաները, հոգևորականները՝ մինչև վերջ իրենց ստորագրություններին և խոսքին տեր կանգնելով, հետո մյուս քաղաքացիները՝ գյումրեցուն, Շիրակի մարզեցուն բնորոշ։

 «Այն աղանդավորների բրիգադը որը պտտվում է էդ մարդու հետ... Ինչպես մարդն կարող է իրեն համարել Հայ առաքելական եկեղեցու հավատավոր մարդ, և դրա կողքը կանգնի կաղապարված եկեղեցու մեջ, առանց մոմերի , պարագաների, քահանաների, առանց տեղապահի որոշմամբ նշանակված քահանայի»,- ասաց Մխիթարյանը։

Պատասխանելով Արքեպիսկոպոս Կճոյանի հետ փաշինյանի գրկախառնվելու տեսագրությանը՝ Մխիթարյանն ասաց. «Կյանքն ու ճակատագիրը ցույց տվեցին, որ Նիկոլ Փաշինյանը միշտ երազել է Կճոյանի հետ գրկախառնվել, այդ գրկախառնության ընթացքում միանգամից մոռացվում են բենտլիները, նախկին բոլոր մեղադրանքները, օֆշորային սկանդալները»;

Հիշեցնելով, որ Նիկոլ Փաշինյանը նաև Կճոյանի մասին գրելով է եկել իշխանության, «Իմ հզոր համայնք» խմբակցության ղեկավարը հավելեց. «Իրար արժանի տերտեր և հոգեզավակ են»։

Նա անդրադարձավ Էկոնոմիկայի նախարարի մեկ այլ հայտարարությանը, թե երկրաշարժի զոհերի մեղավորը Խորհրդային Միության ժամանակ կոռուպցիան էր, և հիշեցրեց, որ երկրաշարժից անմիջապես հետո էլ Գյումրի էին գործուղել ներկայիս ՔՊ-ական պատգամավոր Անդրանիկ Քոչարյանին։

«Օդում կախված լուրերի համաձայն երկրաշարժից հետո երբ Անդրանիկ Քոչարյանը Գյումրիում էր և այդ պաշտոնը կոչվում էր գավառապետ, նախագահի պաշտոնական ներկայացուցիչն էր Շիրակի մարզում, գյումրեցիներն իրեն անվանում էին «Հրեշ Անդո»։ Այ որ սկսեն ուսումնասիրել խորհրդային միության տարիներին ավազ-ցեմենտի գողությունները, կարող են ճշտել, թե արդյոք ճիշտ են «Հրեշ Անդոյի» պատմությունները, տարբեր գործարարների գույքերի, սեփականաշնորհումների մասին»։

Մխիթարյանը նաև հիշեցրեց, որ 7 տրավ ընթացքում ՔՊ-ն գյումրիում 1 ք/մ բնակելի տարածք չի կառուցել։
Աղբյուրը` Panorama.am