ՔՊ կուսակցության լրատվամիջոցը, բնականաբար, սուտ է տարածել

ՔՊ կուսակցության լրատվամիջոցը ֆեյք տեղեկատվություն էր տարածել, իբր մինչ բոլոր լրագրողները գնացել էին լուսաբանելու Արգիշտի Մեխակյանին, «Հաղթանակ» դաշինքի թեկնածու Սևակ Խաչատրյանը «քվեարկել է բացարձակ ունայնության մեջ»։

Հրապարակումը Նիկոլ Փաշինյանի լրատվամիջոցը, բնականաբար, արել էր մինչ Սևակ Խաչատրյանի քվեարկության գնալը։

Մինչ տեղամաս մտնելը Սևակ Խաչատրյանին լրագրողները հայտնեցին ՔՊ կուսակցական լրատվամիջոցի տարածած ստի մասին և հարցրին, թե արդյո՞ք երկրորդ անգամ է եկել տեղամաս։

«Անփառունակ լրատվամիջոցներից եկեք չխոսենք։ Ես մեր քարոզարշավի ընթացքում իրենց բնորոշել եմ այդպես։ Մի պահ նեղացել էին իմ այդ բնորոշումից, եկել էին մեր քարոզարշավը լուսաբանելու, երևի մոտ երկու ժամ մեզ հետ եղան, այդպես էլ ոչ մի լուսաբանում չտեսանք մեր քարոզարշավից, չկարողացան որովհետև ստանալ այն, ինչը իրենք ուզում էին»։

Անդրադառնալով նույն լրատվամիջոցում տեղադրված հարցումներին, իբր բացարձակ մեծամասնություն է ստանալու ՔՊ թեկնածուն, Սևակ Խաչատրյանն ասաց․ «Դա նույնպես էդ լրատվամիջոցն էր տարածել․ դա քարոզչական հնարք է, որպեսզի վաղարշապատցուն ցույց տան, որ՝ ձեր ձայնն այդքան էլ կարևոր չի, արդեն իսկ կախորոշված է ամեն ինչ։ Նույնն արել էին Գյումրիում, նույնը արել էին Փարաքարում, բայց մենք տեսանք այլ լրիվ այլ քվեարկության արդյունքներ»։

Մանրամասն՝ տեսանյութում։

Սևակ Խաչատրյանի ճեպազրույցն ամբողջությամբ՝ այստեղ։