Վարչական շրջանի պատասխանատուն խաբում է՝ ասելով, թե դպրոցականի համար ձեռնտու է գնել 7200 դրամանոց փաթեթը. Թադևոս Ավետիսյան
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
«Պարզվում է, որ դպրոցական երեխաների համար 20% արտոնություն ստանալու համար պետք է երեխայի ծննդականի թվայնացում, որը չեն արել, ավելին իրենց այդ պարտականությունը դրել են ծնողների վրա»,- ԱԺ հայտարարությունների ժամին ասաց «Հայաստան» խմբակցության պատգամավոր Թադևոս Ավետիսյանը։
Նա նշեց, որ այդ պատճառով հնարավոր չէ էլեկտրոնային եղենակով դպրոցականի համար տրանսպորտի ուղեվարձի տոմս ձեռք բերես։ Նա պատմեց, որ վարչական կենտրոնից ծնողին ուղարկում են ԶԱԳՍ երեխայի ծննդականը թվայնացնելու համար, այնտեղից էլ հորդորում են թվայնացումն իրականացնել Արդարադատության նախարարության ՔԳԱԿ ծառայությունում։
«Այստեղ արդեն պետք է սպասես 10 աշխատանքային օր, որպեսզի մի քանի րոպեանող ծննդականի թվայնացման աշխատանքը կատարեն։ Մեկը մեկի վրա է գցում, ասելով, որ իրենց գործը չի, այլ օգնում են»,-ասաց Ավետիսյանը և հավելեց.
«Վարչական շրջանի պատասխանատուն, որ այնտեղ նստած է իբր հաշվարկենր բերելով որպես խնայողական տարբերակ գովազդում է 7200 դրամանոց փաթեթը, որը իբր գործում է 45 օրով, սակայն փաթեթը գնելուց հետո պարզվում է, որ այն գործում է ընդամենը 30 օր։ Հետևաբար ամսի 21-22-րդ աշխատանքային օրերին ձեր երեխան այս փաթեթով, որը ձեզ խաբել են, դպրոց գանլու և գալու մեկ ուղևորության համար պետք է վճարի 165 դրամ, այլ ոչ թե 150»,-ասաց ընդդիմադիր պատգամավորը։
Աղբյուրը` Panorama.am
Հետևեք մեզ Facebook-ում