Չշտապել, կարմիր կետագծերում կայանման համար շաբաթական փաթեթից բարձր փաթեթ չգնել

Սիրելի երևանցիներ,

Հարգելի հայրենակիցներ,

Ինչպես գիտեք, Երևանի ավագանու «Մայր Հայաստան» խմբակցությունը Վարչական դատարանում վիճարկել է Երևանում կարմիր կետագծերում կայանման համար վճարի թանկացման որոշումը և դատարանը՝ 5 դատավորների մասնակցությամբ, որոշում է կայացրել մասնակի բավարարել «Մայր Հայաստանի» բողոքը և ոչ իրավաչափ ճանաչել քաղաքային իշխանությունների կողմից անհիմն թանկացված կարմիր կետագծերում կայանման վճարը։

Ելնելով վերոգրյալ որոշումից՝ մենք` «Մայր Հայաստան» խմբակցությունը, 2025թ. հունվարի 21-ին հրավիրել է Երևանի ավագանու արտահերթ նիստ, որտեղ քննարկվելու է 2024թ. դեկտեմբերի 24-ի ավագանու նիստում իշխանական կոալիցիայի կողմից ընդունված կարմիր կետագծերում կայանման վճարի թանկացման որոշման կասեցման հարցը։

Ուստի առաջարկում, հորդորում և խորհուրդ եմ տալիս ձեզ չշտապել և կարմիր կետագծերում կայանման համար շաբաթական փաթեթից բարձր փաթեթ չգնել, մինչև դատարանի որոշման ուժի մեջ մտնելը։

#Մայր_Հայաստան

#Կարմիր_կետագծեր

#Ավտոկայանատեղի

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան էջից