Հանկարծ Նիկոլի Ավինյանը չիմանա... Սերբիայի մայրաքաղաքում հասարակական տրանսպորտը դարձել է ԱՆՎՃԱՐ

«Հրապարակը» գրում է. «Բելգրադի տարածքում մեկ սակագնային համակարգով կանոնավոր ուղեւորափոխադրումներից օգտվող բոլոր անձանց համար տրանսպորտային ծառայությունները 2025 թվականի հունվարի 1-ից անվճար են։ Այս մասին ասված է Բելգրադի քաղաքապետ Ալեքսանդր Շապիչի որոշման մեջ։

Շապիչի խոսքով՝ Բելգրադը կդառնա 500 հազարից ավելի բնակչությամբ միակ քաղաքը Եվրոպայում, որտեղ գործում է անվճար հասարակական տրանսպորտ։ Բացի այդ, քաղաքապետը խոստացել է, որ առաջիկա երեք տարիների ընթացքում քաղաքի տրանսպորտային պարկը ամբողջությամբ կթարմացվի, հայտնում է Росийская Газета-ն։

Վճարների վերացման որոշումն ընդունվել է հիմնականում խցանումների և օդի աղտոտվածության դեմ պայքարելու նպատակով։ Բելգրադի իշխանությունները ցանկանում են քաղաքացիներին դրդել ավելի շատ օգտվել հասարակական տրանսպորտից և իրենց մեքենաները չքշել դեպի քաղաքի կենտրոն»։