Աննա Հակոբյանը հավաքել էր հին ու նոր օլիգարխներին. 1 մլն դրամանոց ընթրիքի հետքերով
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Չհաջողված ընթրիք ու վաստակած հայհոյանք․ ինչի՞ց են վախեցած ՔՊ-ականները. «Կարճ ասած» (տեսանյութ)
«Քաղաքացիական պայմանագիր» կուսակցությունում նոր սկանդալ է հասունանում
Փաշինյանն ու նրա դուստրը ընթրել են Կառլոս 5-րդ պալատում, նրանց դիմավորել են Իսպանիայի թագավորն ու թագուհին
«Իշխող խմբակցության կազմում ոչ մի մեծահարուստ չկա»․ Փաշինյանը՝ օլիգարխներին ԱԺ մտցնելուց առաջ. Տեսանյութ
Ուկրաինական հակաօլիգարխիկ հեղափոխության դեմքերից Կլիչկոն 38 միլիոնանով հատուկ պահպանվող առանձնատուն է կառուցել. Տեսանյութ, ֆոտոշարք
«Իմ քայլը» հիմնադրամն, ավելի կոնկրետ՝ Աննա Հակոբյանը, ապրիլի 14-ին նախաձեռնել էր «Հաջողակ կին գործարարների աջակցությունը սկսնակ կին գործարարներին» ընթրիքը։
Այս միջոցառմանը մասնակցելու, այն է՝ Նիկոլ Փաշինյանի տիկին Աննա Հակոբյանի հետ ընթրելու համար մուտքավճարը 1 մլն ՀՀ դրամ էր:
Նախօրեին համացանցում արդեն կադրեր հայտնվեցին, թե ինչպես են «կին գործարարները» գերթանկարժեք մեքենաներով ժամանում ընթրիքի վայր՝ «Արմաս» գինու գործարան։
Բայց իրականում, մեր տեղեկություններով, իր հետ ընթրելու համար 1 մլն դրամ վճարելու Աննա Հակոբյանի նախաձեռնությունը ձախողվել է․ իրական գործարար կանանցից քչերն են արձագանքել նրա կոչին։ Եվ որպեսզի միջոցառումն ինչ-որ կերպ կայանա ու փորձեն խուսափել խայտառակ լինելուց, որոշել են «բերման ենթարկել» ՔՊԿ-ական իշխանության սրտի հին ու նոր օլիգարխներին՝ պարզապես նրանց կանանց տեսքով։
Մասնավորապես Աննա Հակոբյանի հետ 1 միլիոնանոց ընթրիքին մասնակցել է Սամվել Ալեքսանյանի, նույն Լֆիկ Սամոյի կինը՝ Շողերինա Մկրտչյանը, ով իր հետ տարել է նաև իր աղջիկներին, ազգականներին և ընկերուհիներին։
Գերթանկարժեք ընթրիքին մասնակցել է նաև «Մարիաննա» կաթնամթերք արտադրող ընկերության սեփականատիրոջ ընտանիքի կին անդամը, «Վիվառո» բուքմեյքերական ընկերության սեփականատեր Վիգեն Բադալյանի կինը, ով ժամանել է շքեղ Maybach-ով։
Մեր տեղեկություններով՝ հյուրերի թվում են եղել նաև ՀՀ ԱԺ նախագահ Ալեն Սիմոնյանի կինը, ՔՊԿ-ական օլիգարխ պատգամավոր Խաչատուր Սուքիասյանի դուստրը, «Նոր Հայաստան» հեռուստաընկերության սեփականատիրոջ կինը, եղել են այլ գործարարների կանայք ևս։
Ի դեպ, այս ընթրիքին Լֆիկ Սամոյի տիկնոջ հորդորով մասնակցել է նաև «Դան-Դեսերտ» քաղցրավենիքի արտադրությամբ զբաղվող ընկերության սեփականատեր կանանցից մեկը։ Ուշագրավ է, որ ըստ օդում կախված լուրերի՝ մինչ այդ նիկոլական հարկայինի աշխատակիցներին ուղարկած են եղել այդ ընկերություն՝ ստուգումների անվան տակ ճնշումներ գործադրելու։ Շողերինա Մկրտչյանը հուշել է, որ եթե Աննա Հակոբյանի հետ ընթրելու համար 1 մլն դրամ վճարեն ու մասնակցեն ընթրիքին, ապա այդպիսով ցույց կտան իրենց հնազանդությունն այս իշխանությանը և կխուսափեն ավելորդ խնդիրներից։
Ահա այսպես են օլիգարխիայի դեմ պայքարի լոզունգներով իշխանության եկածները օլիգարխների նոր որջ բուծում։
Հայկ Ուսունց
7or.am
Հետևեք մեզ Facebook-ում