Առանց արդար խաղաղության տարածաշրջանը հանգիստ չի ունենալու. Բորիս Մուրազի
Բորիս Մուրազին ֆեյսբուքյան իր էջում գրել է.
«Այո, 2020 թվականի պատերազմում պարտվել ենք (պատճառները հազար անգամ քննարկվել են ու դեռ կքննարկվեն), բայց, այն, ինչ հիմա անում են Փաշինյանն ու Ալիևը` ոչ մի կապ չունեն տարածաշրջանում խաղաղության հաստատման հետ։ Հայ ժողովրդին որբ ներկայացնող Փաշինյանն ու իր կիրթ ու կառուցողական ընկեր Ալիևը շարունակական նվաստացման քաղաքականությամբ միայն նոր պատերազմի հիմքերն են գցում։
Անթույլատրելի է հազարամյակների պատմություն ունեցող ժողովրդի հետ այս կերպ վարվելը։ Սա նման է տևական ժամանակ զսպանակի սեղմմանը։ Այն անվերջ շարունակվել չի կարող, բայց երբ ժամանակը գա հետ բացվելու, ապա դրանից շատերն են տուժելու, այն առաջին հերթին կոտրելու է իրեն սեղմողների քիթումռութը, իսկ հետո կտուժեն ովքեր նրանց կողքին կանգնած են։ Առանց ԱՐԴԱՐ խաղաղության տարածաշրջանը հանգիստ չի ունենալու։ Մի օր հայ ժողովուրդը պայթելու է ու այդ ժամանակ ոչ զոհերի քանակն է պայթյունը կանգնեցնելու, ոչ ավերածությունները։
Փաշինյանը նվաստացած պարտության և հավերժական ստորացման ապահովողն է, իսկ մեզ ԱՐԴԱՐ խաղաղություն է պետք։ Պետք է անկեղծ լինել ու ասել, որ ԱՐԴԱՐ խաղաղությունը մեզանից շատ պետք է Ադրբեջանին և մեր մյուս հարևաններին։ Ժամանակը հաստատ նրանց օգտին չի աշխատում։ Մի օր ամեն բան մի կողմ կդրվի։ Մի օր էլ կորցնելու բան չենք ունենալու»։
Հետևեք մեզ Facebook-ում
