Առաջարկում եմ բանակցություններ անցկացնել սահմանին կամ երրորդ երկրում. Բայրամով
![Առաջարկում եմ բանակցություններ անցկացնել սահմանին կամ երրորդ երկրում. Բայրամով](/timthumb.php?src=/disc/01-12-23/7d2fb175f743a9a1146d943079be793f.jpg&w=450)
Ադրբեջանի արտգործնախարար Ջեյհուն Բայրամովը Երևանին առաջարկել է բանակցություններ անցկացնել հայ-ադրբեջանական սահմանին կամ չեզոք երրորդ երկրում: Սկոպյեում ԵԱՀԿ ԱԳՆԽ 30-րդ նիստում իր ելույթի ժամանակ Բայրամովն ասել է նաև՝ «ՀՀ-ի հետ խաղաղության շուրջ բանակցությունների գործընթացում կան որոշակի դժվարություններ ու մարտահրավերներ»:
«Չնայած ավերածություններին ու չսպիացած վերքերին, հենց Ադրբեջանն է նախաձեռնել Հայաստանի հետ միջպետական հարաբերությունների կարգավորման գործընթացը… Երևանն անհիմն դանդաղեցնում է այդ գործընթացը, և մի շարք երկրներ փորձում են Հարավային Կովկասի տարածաշրջանի համար նախագծել իրենց աշխարհաքաղաքական խաղերը: Չնայած դրան՝ Ադրբեջանը վճռական է տրամադրված խաղաղության օրակարգում առաջընթացի հասնելու հարցում»:,-ասել է Բայրամովը: