«Պնակալեզ, պատեհապաշտ բանի տղերք․․․»․ Աղվան Վարդանյանը հականերբող-հայտարարություն արեց (տեսանյութ)

Պատգամավոր Աղվան Վարդանյանը այսօր ԱԺ ամբիոնից չափածո հակադարձեց «ո՞վ ես դու վաբշե...» փաշինյանական արտահայտությանը: Աղվան Վարդանյանը նախ, ընթերցեց 1987-ին գրած «դառնագիրը», ապա 2018-ին Փաշինյանին ուղղված «Հականերբողը»: 

Պնակալեզ, պատեհապաշտ բանի տղերք,
Անհայրենիք, անսրբություն, անաղուհաց,
Ոչինչ մաքուր չմնաց, որ չպղտորեք,
Ձեր արածը հիմա պիտի գա ձեր դիմաց։

Գալու է ձեր զավակների պատկերն առած,
Որ քշվելով ձեր ավերից խեղված ու բութ,
Անեծքով են օրհնելու ձեր սաղմը՝ սառած,
Եվ դռնեդուռ մուրալու են ներում ու գութ։

Մուրալու են, չեն գտնելու լույսի մի շերտ,
Դուք չեք թողել, իսկ նա ինքնին չի բազմանում,
Եվ ձեր որդիք ամեն անգամ, երբ ձեզ հիշեն,
Ձեր աճյունը պղծվելու է գերեզմանում։

Մանրամասն՝ Yerkir.am-ի տեսանյութում