Ես հավատում եմ մեր ինքնության զորությանը...փրկության ճանապարհը մեր ինքնությանը վերադառնալն է. Ռուբեն Սաֆրաստյան
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
«Երևանում ավելանում է նոր բեռ` 30 հարկանի 7 շենք»․ Գրիգոր Իսկանդարյան
Հայրենակիցները հայտնվել են անելանելի վիճակում (տեսանյութ)
Քաղաքային 2,5 միավորանոց իշխանության խայտառակ կառավարման հերթական դեպքը
«Հայաստան» խմբակցությունը միանում է Միքայել Սրբազանի թեկնածությամբ անվստահության նախաձեռնությանը
Գյումրու ավագանու 4 խմբակցություն դատապարտել են Միքայել Սրբազանի նկատմամբ քրեական հետապնդումը
«Թուրքական դիվանագիտության նպատակը վերջին 30 տարում Հարավային Կովկասն իր վերահսկողության տակ վերցնելն է»,- նշել է ։ԳԱԱ Արևելագիտության ինստիտուտի նախկին տնօրեն, ակադեմիկոս, թուրքագետ Ռուբեն Սաֆրաստյանը՝ հյուրընկալվելով Սաթիկ Սեյրանյանի «Պրեսսինգ» հաղորդաշարին:
Ռուբեն Սաֆրաստյանը մասնավորապես նաև նշել է. «Ադրբեջանն, իր մեջքին ունենալով Թուրքիան, ամեն պահի կարող է դրժել այն խոստումները, որ տալիս է պաշտոնական մակարդակում հրապարակային։ Խոսքը Հայաստանի վրա հարձակվելու մասին է։ Դրա համար մենք պետք է պատրաստ լինենք։ Կարծում եմ՝ Ադրբեջանն ու Թուրքիան հիմա դեռ կխուսափեն ռազմական գործողություններից, որովհետև կարծում են, որ Հայաստանից իրենց ուզածը դեռևս կարող են ստանալ ճնշման միջոցով։ Եթե Իսրայելն Ադրբեջանի միջոցով ցանկանա Իրանի դեմ դուրս գալ, այս տարածաշրջանում իրավիճակը կդառնա անկառավարելի»
Նա նաև նկատել է. «Հարավային Կովկասից Ռուսաստանը դուրս չի գա։ Դա ինձ համար ակնհայտ է։ ՌԴ-ն միշտ իր քաղաքականությունն իրականացրել է ուժի միջոցով։ Հիմա, երբ Արևմուտքի կողմից ճնշումը մեծացել է, նոր սկսում է դիվանագիտությունը զարգացնել։ ՌԴ-ն մեծ սխալներ է թույլ տալիս Հայաստանի ու Արցախի հարցում։ Կարծում եմ՝ մոտ ապագայում կտեսնենք ռուսական դիվանագիտության աշխատանքը տարածաշրջանում։ Պետք է այնպես անել, որ ՌԴ-ի հետ հարաբերություններն այնքան չսրվեն, որ դա մեր անվտանգության համար սպառնալիք դառնա, որովհետև այս տարածաշրջանում ըստ էության երկու ուժ կա՝ Ռուսաստան և Թուրքիա»։։
Ռուբեն Սաֆրաստյանը, ամեն պարագայում, հավատում է մեր ինքնության զորությանը. «Ես տեսնում եմ, որ հստակ միտում կա մեր ինքնությունը թուլացնելու։ Պետք է ուժեղացնել մեր ազգային գաղափարի ընկալումները մեր հասարակության կողմից։ Հայ ժողովուրդը հազարամյակների շատ դժվար ճանապարհներ է անցել, բայց պահպանել է իր ինքնությունը։ Աշխարհում քիչ կան նման ժողովուրդներ։ Հիմա, երբ մենք տեսնում ենք, որ մեզ վրա ուժեղ ճնշում կա նաև գաղափարական առումով, ճանապարհը մեր ինքնությանը վերադառնալն է։ Այս առումով մեծապես կարևոր է, որ մենք ունենանք մեծ ազգային գաղափար, մեծ ռազմավարություն ու մարտավարություն այդ գաղափարին հասնելու համար»։
Մանրամասն՝ 168am-ի տեսանյութում:
Հետևեք մեզ Facebook-ում