Ու՞ր են հեռացված դասախոսների գործընկեր գիտնականները, դասախոսները, ինչու՞ ձայն-ծպտուն չեն հանում․ Ավետիք Իշխանյան

ԼՌՈւԹՅՈւՆԸ ՈՍԿԻ՞ Է Բրյուսովի անվան համալսարանի ռեկտորի պաշտոնը զավթած քպ-ականը, քաղաքական հայացքների համար աշխատանքից հեռացրել է Լիլիթ Գալստյանին և Սուրեն Սարգսյանին։ Մինչ այդ , նույն քաղաքական հայացքների համար Երևանի Պետական Համալսարանից, Տնտեսագիտական Համալսարանից հեռացվել էին մի քանի դասախոսներ ևս։

Քաղաքական հայացքների համար հեռացվում են թատրոնների տնօրեններ։ Էլ չխոսենք բազմաթիվ քաղաքական հետապնդվողների և քաղբանտարկյալների մասին։ Հարց է առաջանում․ Ու՞ր են հեռացված դասախոսների գործընկեր գիտնականները, դասախոսները, ինչու՞ ձայն-ծպտուն չեն հանում։Ձեր լռությամբ, դուք աջակցում եք Հայաստանում բռնապետության հաստատմանը, այսինքն մեղսակից եք քաղաքական հետապնդումներին։

Դուք, փաստորեն համաձայն եք նաև Արցախն ուրացող դավաճանի հետ։ Սպասեք, սպասեք մինչև Ակադեմիայի, Համալսարանի շենքերը վաճառվեն, ձեզանից շատերը կրճատվեն, մյուսները արտաքսվեն։ Ձեր նմանների լռության պատճառով են եղել 1937թ․ ստալինյան հետապնդումները, Բակունցի, Չարենցի և մյուսների գնդակահարությունները։ Թե՞ լռությունը ձեզ համար ոսկի է։

Գուցե, ավելի «անկեղծ» և «ազնիվ» են քպ-ական ոչնչությունները, քան դուք, ձեր լռությամբ։

Ավետիք Իշխանյանի ֆեյսբուքյան էջից