Սթափվեք վերջապես, գրողը տանի՝ ՍԹԱՓՎԵՔ

Սթափվեք վերջապես, գրողը տանի՝ ՍԹԱՓՎԵՔ։

Լսում ե՞ք մարդիկ. Բոլորիս ֆիզիկական գոյությունը բարակ թելից է կախված ու սա ուղղակի խոսքեր չեն։ Հայաստանի իշխանությունները երկիրը տանում են ուղիղ ոչնչացման։ Սա արդեն միայն պետականության կորստի մասին չէ, սա բոլորիս, անխտիր բոլորիս ֆիզիկական գոյության մասին է։ Աստված մի արասցե, լայնամասշտաբ պատերազմ սկսվի, որի հավանականությունը ծայրահեղ բարձր է։ Սա արդեն պատերազմ չի լինելու Հայաստանի և Ադրբեջանի միջև, սա լինելու է տարածաշրջանի հիմնական խաղացողների ռազմական բախումը մեր տարածքում, որի որևէ արդյունք չի կարող մեզ ձեռք տալ, որովհետև մենք ուղղակի դրա ավարտին այլևս չենք լինելու։

Հասկացեք, մենք ոչ Ուկրաինայի, ոչ էլ Սիրիայի հնարավորություններն ու տարածքային մեծությունը չունենք, որ կարողանանք գոյատևել այդ բախման թատերաբեմը վերածվելու պարագայում։ Հավատացեք, թեկուզ հենց այս գիշերը կարող է շատերի համար վերջինը լինել։ Ես հեռու եմ խուճապ տարածելու միտումներից, իմ այս գրառումը կարդալու են նաև իմ հարազատները, և ես հաստատ միտում չունեմ ոչ մեկին անիմաստ խուճապի մեջ գցեմ։ Սա այն իրականությունն է, որը գրեթե անխուսափելի է։

Հովհաննես Հարությունյանի ֆեյսբուքյան էջից