«Մասնատված Սիրտը՝ Երկրի, ամբողջական դառնալու պայմանով միայն կապրի...». Նազենի Հովհաննիսյանի գրառումը Հայաստանի,Արցախի եւ երկրի հանդեպ անվերապահ սիրո մասին

Դերասանուհի, հաղորդավարուհի Նազենի Հովհաննիսյանը նոր գրառում է կատարել իր ինստագրամյան էջում՝ անդրադառնալով Արցախում ստեղծված իրավիճակին։

«Հայաստանը շերտ առ շերտ սիրելու Երկիր է, բայց ամեն մի շերտը առանձին ճանաչելով ու խնամելով կարող ես սիրել իսկապես, ամեն թիզն ու նրա խնդիրը գիտակցելով, ամեն առանձին մասի գեղեցկությունն ու խորությունը հասկանալով ու զգալով: Հայաստանն ու Արցախը ԱՆՎԵՐԱՊԱՀՈՐԵՆ և առանց նախապայմանի սիրո կարիքն ունեն՝ իրենց բոլոր շերտերով հանդերձ:

Մի լեռան գագաթի կորուստն ու մի աղբյուրի ջրի ցամաքելը կիսատում են Երկիրը, «ցի»- երը պառակռում են Մարդկանց, ու Հայաստանը վիրավոր է դառնում.... Մասնատված Սիրտը՝ Երկրի, ամբողջական դառնալու պայմանով միայն կապրի... Սիրտը բուժողը մենք ենք ախր, իրար ձեռք բռնած...

Հայաստանը՝ թռչող լեռների երկիր.... », - հրապարակմանը կից գրել է Նազենին։