Էրդողանը զգուշացրել է Հունաստանին, որ ցանկացած պահի կարող է հարվածել

Թուրքիայի նախագահ Ռեջեփ Թայիփ Էրդողանը նախազգուշացրել է Հունաստանին, որ իրավիճակի էսկալացիայի դեպքում ինքը կարող է ցանկացած պահի հարված հասցնել, նրա խոսքերը մեջբերում է Anadolu լրատվական գործակալությունը։ Թուրք առաջնորդի խոսքով՝ Աթենքը տեղյակ է սադրանքներին հակազդելու Թուրքիայի վճռականության մասին, ուստի նրանք այլևս քայլեր չեն ձեռնարկում տարածաշրջանում իրավիճակը սրելու համար։

Էրդողանը ուշադրություն է հրավիրել այն փաստի վրա, որ Թուրքիան ՆԱՏՕ-ի մակարդակով բարձրացրել է Հունաստանի կողմից սադրանքների թեման։ Նա կարծիք է հայտնել, որ այսուհետ Աթենքը կվերլուծի Թուրքիայի հետ հարաբերությունների հետագա քայլերը։

«Հակառակ դեպքում, ինչպես արդեն ասացի, ցանկացած պահի կարող է հարված լինել»,- ասել է Էրդողանը։