Ուղիղ 29 տարի առաջ ԼՂՀ ինքնապաշտպանության կոմիտեի նախագահ Սերժ Սարգսյանը հանդիպեց Ադրբեջանի պաշտպանության նախարարի պաշտոնակատար Սաֆար Աբիևի հետ
Ուղիղ 29 տարի առաջ՝ 1993թ. հուլիսի 28-ին, ադրբեջանական կողմի առաջարկությամբ, Մարտակերտ-Միր Բաշիր սահմանահատվածում տեղի ունեցավ հանդիպում ԼՂՀ ինքնապաշտպանության կոմիտեի նախագահ Սերժ Սարգսյանի և Ադրբեջանի պաշտպանության նախարարի պաշտոնակատար Սաֆար Աբիևի գլխավորած պատվիրակությունների միջև: Զինված հակամարտության ընթացքում դա Ստեփանակերտ-Բաքու առաջին պաշտոնական շփումն էր, որը տեղի ունեցավ առանց երրորդ կողմի միջնորդության: Հանդիպման նպատակն էր յոթ օրով երկարաձգել հուլիսի 25-ից հաստատված հրադադարը և այդ ընթացքում քննարկել երկու հանրապետությունների ղեկավարների միջև բարձր մակարդակի հանդիպում կազմակերպելու հնարավորությունը...
Չնայած ձեռքբերված գրավոր համաձայնության, այդուհանդերձ, սկսված գործընթացը, նույն ադրբեջանական կողմի մեղքով, շարունակություն չունեցավ... Արդյունքում եղավ այն,, ինչ եղավ հետո... Իսկ հետո եղավ այն, որ Ադրբեջանը կորցրեց ավելին, քան կորցրել էր մինչ այդ...
Ավա՜ղ, դա եղել է 29 տարի առաջ: Այսօր իրավիճակը լրիվությամբ այլ է... Այսօր թելադրողն արդեն ոչ թե Արցախն է, այլ նա, ով ժամանակին պարտադրված էր լսել Արցախին...
Սենոր Հասրաթյանի ֆեյսբուքյան էջից