«Նախօրոք չէի հայտարարել, որ ամբողջ ինֆորմացիան հանված է հեռախոսից»․ Նաիրի Հոխիկյան
«Երբ ԲԴԽ նախագահ Ռուբեն Վարդազարյանը հայտարարում է, որ ՀՀ իշխանության հանցանքների ու Նիկոլ Փաշինյանի վտանգավորության մասին Գագիկ Ջհանգիրյանի ասածների բնօրինակը իր մոտ չէ և անհայտ վայրում է, ես սեփական փորձով հասկանում եմ, թե ինչու է նա դա նախապես զգուշացնում։ 2021-ի հուլիսին, երբ հրապարակեցի հրեա բլոգեր Ալեքսանդր Լապշինի խոսքերը և մեր հանդիպումը Նիկոլ Փաշինյանի ու նրա այն ժամանակվա մամուլի խոսնակ Վլադիմիր Կարապետյանի հետ, 3-4 օր հետո ԱԱԾ-ն ինձ հրավիրեց հարցաքննության և ապօրինաբար առգրավեց հեռախոսս, որի մեջ ոչ միայն Լապշինի ուղարկած ձայնային հաղորդագրությունների բնօրինակներն էին, այլև բազմաթիվ այլ փաստեր։ Անցել է մեկ տարի, պետական տարբեր մարմիններ հրաժարվում են վերադարձնել հեռախոսը տարբեր պատճառաբանություններով։ Այն ժամանակ ես ուղղակի նախօրոք չէի հայտարարել, որ ամբողջ ինֆորմացիան հանված է հեռախոսից և այլ վայրում է»։
Լրագրող Նաիրի Հոխիկյանի ֆեյսբուքյան էջից