Գյումրիի դեպքերի առիթով. Տեսանյութ
Գյումրիի դեպքերի առիթով Իշխանությունը դիմում է ամեն տեսակ սադրանքի: Զգալով, որ ամեն օր հայտնվում են ավելի վատ դրության մեջ, նրանք չեն խոշրում որևէ հնարք օգտագործելուց: Երեկ դեպի Գյումրի տեղի է ունեցել խաղաղ ավտոերթ, որին հաջորդել է բազմահազարանոց խաղաղ հանրահավաքը:
Երթի ամբողջ ճանապարհին ավտոերթի մասնակիցների համար պատրաստված են եղել սադրանքներ: Տարբեր դերերում հանդես եկած մարդիկ` ներկայանալով էլ զոհվածի ծնողներ, էլ գյումրեցիներ հայհոյել են ավտոերթի մասնակիցներին, նրանց ուղղությամբ նետել քարեր, ներկայացրել անտրամաբանական պահնջներ (գերիների վերադարձ): Այս ամենն արժանացել է բացառիկ զուսպ արձագանքի:
Ամեն տեղ մարդիկ համբերատար խոսել են բոլորի հետ, ներկայացրել իրավիճակը: Դեպք է արձանագրվել, երբ ճանապարհը փակած անտեղյակ մարդկանցից մեկը, հասկանալով, ինչ ծուղակում է հայտնվել, համբուրել է ավտորթի մասնակիցներից մեկի ճակատը: Ավտոերթը ոչ միայն բարեհաջող հասել է Գյումրի, այլև կարևոր հանրահավաք անցկացրել այտեղ և վերադարձել: Բայց որպեսզի պատկերցնեք կատարվածի պետական մակարդակով կազմակերպվածության աստիճանը, իմացեք, որ սադրիչների հետ է եղել նաև Հայաստանի Առաջին ալիքի թիմը: Այն նույն Առաջին ալիքի, որը չի լուսաբանում ամենամեծ հակաթուրքական ակցիան` Ջահերով երթը, պատճառաբանելով ծանրաբեռնվածությունը: Դեպքի վայրում են եղել փոխոստիկանապետը, Շիրակի մարզպես Նազելի Բաղդասրյնի եղբայրը: Եվ ահա այսօր համացանցում մի տեսանյութ է տարածվում, որտեղ խառնաշփոթի մեջ դժվար է հասկանալ` ինչ է կատարվում: Ու սկսվում է կազմակերպված արշավը Դաշնակցության երիտասարդականի մի քանի անդամների նկատմամբ, իբրև նրանք ծեր մարդ են ծեծել:
Հասկանալի է, իշխանությունը միանգամից մի քանի խնդիր է փոձրում լուծել. հող է նախապատրաստում այս շարժման ոգին ապահովող մի քանի անհատների մեկուսացնելու, շարժումը վարկաբեկելու և հատկապես Դաշնակցության երիտասարդականին հարվածելու համար: Մեր գիտակից հանրության համար կարևոր եմ համարում արձանագրել. Երեկ բռնության որևէ դեպք չի գրանցվել: Երիտասարդները պարզապես ապահովել են իրենց անխոչընդոտ տեղաշարժը: Չնայած բոլոր ծրագրերին` հաջողվել է զերծ մնալ սադրանքներին տրվելուց: Երիտասարդները, որոնց մասին այսօր ամենաստոր ստերն են տարածվել Ապրիլյան և Քառասունչոսօրյա պատերազմների մասնակիցներ են: Բայց որ ավելի կարևոր է, գիտակցված ընտրությամբ հայեր են. առանց վարդագույն ակնոցի նայում են մեր երկրին ու հասարակությանը և այն անսահման սիրում են ու երբ հարկը կա կյանքը վտանգելու գնով պաշտպանում են:
Երիտասարդներից մեկը վիրավորուումից հրաշքով է փրկվել վերջին պատերազմին: Ինչու եմ սա ասում, որովհետև ամեն անգամ ճակատ մեկնելիս իրենք քաջ գիտակցում են, որ մենք` որպես հասարակություն հեռու ենք կատարյալ լինելուց, բայց ամեն անգամ առանց վայրկյան իսկ տատնվելու գնում են նաև այն մարդկանց պաշտպանելու, ովքեր երեկ իրենց դեմ սադրանք էին կազմակերպում: Գնում են, որպես պարտականություն անում են իրենց գործը, արածի մասին չեն պատմում ու խոնհար հերոսների պես վերադառնում են իրենց առօրյային ու բախվում սենց դեպքերի:
Բայց մեկ է չեն հիասթափվում, որովհետև գաղափարական են, որովհետև ուխտել են ամեն գնով ծառայել հայրենիքին: Այս մարդիկ մահը տեսած ու այն հաղթած մարդիկ են, նիկոլի քարոզչությունն ինչ է, որ չհաղթեն դրան: Իսկ ներքևի տեսանյութում բացահայտեք ինքներդ ձեր համար այս օրերերին ընդդիմության դեմ աշխատանքի ամենաստոր մեթոդնեուից մեկը: Ու իմացեք, որ Գյումրիի դեպքում նույն սցենարիստներն ու ռեժիսոորն է եղել:
Քրիստինա Վարդանյանի ֆեյսբուքյան էջից