Էրդողանի ANADOLU-ն Փաշինյանին խորհուրդ է տալիս «2022 թվականին պահպանել ամուր կամք»
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Թուրքերը զարմացած են Փաշինյանի պահվածքից
Ինչո՞ւ հենց այս պահին Փաշինյանը որոշեց քայլեր ձեռնարկել ՍամվելԿարապետյանի դեմ, և ի՞նչ կապ ունի դա Ադրբեջանի հետ
Պաշտոնական․ հունիսի 20-ին Նիկոլ Փաշինյանը կմեկնի Թուրքիա
Մոսկվան պատրաստվում է լուրջ քայլեր ձեռնարկել Ալիևի դեմ
«Թուրքիան չի պատրաստվում իր զորքերը դուրս բերել Սիրիայից»․ Թուրքիայի ՊՆ
Անկարայից, Բաքվից ու Երեւանից հնչող ոչ միայն հայտարարությունների, այլեւ ձեւակերպումների սինքրոն լինելը չի դադարում զարմացնել։ Շատերը հիշում են, թե ինչ ասաց Նիկոլ Փաշինյանը հունվարի 13-ին ՀՀ կառավարության նիստում, Վարդենիսի մոտակայքում տեղի ունեցած ողբերգական իրադարձություններից հետո նա հայտարարեց, որ մեզ ամուր նյարդեր են պետք խաղաղության օրակարգ բացելու համար։
«Մենք, ցավոք, շարունակում ենք միջադեպեր եւ զոհեր ունենալ սահմանին։ Կառավարության ծրագրում արտահայտված է երկու հարց՝ առաջին խնդիրներից մեկը մեր երկրի պաշտպանունակությունը շարունակաբար բարձրացնելն է, բայց, մյուս կողմից, մեր հռչակած խաղաղ զարգացման օրակարգ բացելու համար մեզ ամուր նյարդեր են հարկավոր։ Շատերն անընդհատ փորձելու են ապացուցել կամ ցույց տալ, մղել մեզ այն մտքին, որ դա հնարավոր չէ։ Մենք հետեւողականորեն շարժվելու ենք այս ճանապարհով եւ պետք է ամեն ինչ անենք, որ մեր երկրի շուրջ ձեւավորվի կայուն եւ անվտանգ միջավայր։ Սա մեր քաղաքական ամենակարեւոր անելիքն է, առավել եւս՝ 2020 թվականի պատերազմից եւ 2021-ի արտահերթ խորհրդարանական ընտրություններից հետո»,- ասել է Նիկոլ Փաշինյանը։
Իսկ այժմ Անկարայից գրեթե 100 տոկոսով նույնական թեզեր են հնչում։ Թուրքական պետական ANADOLU լրատվական գործակալությունը իր էջերում հրապարակել է Կալիֆորնիայի Իրվայնի համալսարանի պատմության ֆակուլտետի դոկտոր Օգյուլ Թունի վերլուծությունը, ով բացի Փաշինյանի սիրելի տեզերը օգտագործելուց, ինչպիսին է «ղարաբաղյան կլանը», խորհուրդ է տալիս իրեն «2022 թվականին ամուր կամք պահպանել»։
«Այս դիմադրության խմբերի (ընդդիմության - Zham.am ) ջանքերը, որոնք փորձում են պաշտպանել իրենց ներքին իշխանությունը, խաթարել խաղաղ բանակցությունները, իրենց հետքն են թողել 2021 թվականին: Եթե 2022 թվականին Հայաստանի վարչապետի և կառավարության կամքը չկոտրվի, դիմադրության խմբերի ավելի արմատական փորձերի ներքո, այդ դեպքում հնարավոր կլինի մասամբ խաղաղ մթնոլորտի հաստատումը տարածաշրջանում»,- գրում է Թունը։
Եվ ուշադրություն դարձրեք, որ նույնիսկ թուրքական պետական լրատվական գործակալության էջերում խոսվում է ոչ թե խաղաղության, այլ «տարածաշրջանում մասամբ խաղաղ մթնոլորտի մասին»։ Այսինքն՝ հորդորելով Փաշինյանին «պահպանել ամուր կամք», թուրքական կողմը նրան նույնիսկ խաղաղություն չի խոստանում։
Սեւակ Դանիելյան
Հետևեք մեզ Facebook-ում