Վլադիմիր Պուտինի դուստրը ելույթ է ունեցել Եվրասիական կանանց ֆորումում
Հոկտեմբերի 13-ին Սանկտ-Պետերբուրգ քաղաքում բացվել է Եվրասիական կանանց ֆորումը։ Միջոցառումը անցկացվում է երեք տարին մեկ անգամ։ Միջոցառման ժամանակ քննարկվում են ժամանակակից աշխարհում կնոջ դերի եւ գլոբալ պրոբլեմների հետ կապված հարցերը։ Երեկ «ԴՆԹ ուսումնասիրումը որպես ինքնաճանաչման միջոց» խորագիրը կրող նիստի մոդերատորը 36-ամյա Մարիա Վորոնցովան է եղել՝ Ռուսաստանի նախագահ Վլադիմիր Պուտինի եւ նրա նախկին կնոջ՝ Լյուդմիլա Պուտինայի դուստրը։ Այն, որ Վորոնցովան հանդիսանում է Պուտինի դուստրը, իր ինստագրամյան էջում գրել էր Эхо Москвы-ի գլխավոր խմբագիր Ալեքսեյ Վենեդիկտովը, ով նաեւ հրապարակել էր նրա լուսանկարը։ Մարիա Վորոնցովան հանդիսանում է նախագահի ավագ դուստրը։ Փոխանցում է «Հրապարակ»-ը։
Ռուսաստանի նախագահ Վլադիմիր Պուտինի անձնական կյանքին վերաբերող հարցերը աշխատում են շրջանցել։ Պուտինն ինքն էլ չի խոսում իր դուստրերի մասին, իսկ լրատվամիջոցները հիմնականում գրում են ենթադրությունների վրա հիմնվելով։Պուտինի երեխաների հարցը կարելի է համարել Ռուսաստանի ամենագաղտնի հարցերից մեկը։ Հայտնի է, որ Մարիա Վորոնցովն ավարտել է Մոսկվայի Պետհամալսարանի հիմնարար բժշկության ֆակուլտետը, ապա արդեն դիմել է Էնդոկրինոլոգիական կենտրոնի ասպիրանտուրա։ Այժմ հանդիսանում է Ռուսաստանի Առողջապահության նախարարության Էնդոկրինոլոգիայի հետազոտական բժշկական Ազգային կենտրոնի առաջատար գիտաշխատող, եւ Գիտության աջակցման Ռուսական ասոցացիայի նախագահության անդամ։ Նախկինում նա կրել է Ֆաասեն ազգանունը, եւ ամուսնացած է եղել նիդերլանդացի գործարար Յորիտ Ֆաասենի հետ, որից ունի մեկ որդի։ Լյուդմիլա Պուտինայի հետ ամուսնությունից Պուտինն ունի եւս մեկ դուստր՝ 35-ամյա Եկատերինա Տիխոնովան։
Նրան մամուլում են համարում Պուտինի դուստրը։ Տիխոնովան երկու տարի առաջ Մոսկվայի պետհամալսարանում պաշտպանել է ֆիզիկամաթեմատիկական գիտությունների գծով գիտությունների թեկնածուի ատենախոսություն։ Այժմ հանդիսանումն է Иннопрактика հիմնադրամի ղեկավարը, որը զբաղվում է Մոսկվայի պետհամալսարանի «գիտական հովտի» ստեղծման աշխատանքներով։ Ամուսնացած է եղել գործարար Կիրիլ Շամալովի հետ, որի հետ ապրել է հինգ տարի։ Ամուսնալուծությունից հետո վերցրել է Տիխոնովա ազգանունը․ մայրական գծով նրա տատիկն ունեցել է «Տիխոնովնա» հայրանունը։ Տիխոնովայի եւ Պուտինի արենակցական կապը ոչ հաստատված է, ոչ հերքված։ Որոշ տեղեկությունների համաձայն, Պուտինը ունի եւս մեկ դուստր՝ տասնութամյա Ելիզավետան, որի մայրը «Ռոսսիա» բանկի բաժնետեր Սվետլանա Կրիվոնոգիխն է համարվում, ով Պուտինի մտերիմն է։ Այս մասին հետաքննություն է անցկացրել Проект պարբերականը։ Պուտինը չի մեկնաբանել այն, իսկ նրա խոսնակ Դմիտրի Պեսկովը քննադատել է այդ հետաքննությունը։