ՔՊ-ում փողոցային բարքերը շարունակվում են

«Քաղաքացիական պայմանագիր» կուսակցության ղեկավար մարմնի անդամ Սարգիս Ալեքսանյանը ֆեյսբուքյան իր էջում հայհոյել է Մարդու իրավունքների պաշտպանին՝ աջակցություն հայտնելով լրագրողի նկատմամբ հարձակում գործած Բ  տեղխնալոգիաների նախարար Հակոբ Արշակյանին։ Այդ հրապարակումը հավանել է  «Իմ քայլի» պատգամավոր Նիկոլայ Բաղդասարյանը։  Այդ մասին ասվում է «Մեդիա Պաշտպան»-ի հայտարարությունում:

Հիշեցնենք, որ երեկ միջադեպ էր տեղի ունեցել լրագրող Փայլակ Ֆահրադյանի և նախարար Արշակ Հակոբյանի միջև, վերջինս բռունցքներով հարձակվել էր լրագրողի վրա՝ հասցնելով մարմնական վնասվածքներ, այդ թվում վնասվել էր նաև Փայլակ Ֆահրադյանի համակարգիչը։

«Մեդիա Պաշտպան» նախաձեռնությունը տարակուսում է, որ ՔՊ-ում փողոցային բարքերը շարունակվում են և իրավիճակը մեղմելու փոխարեն վերջիններս հայհոյախառն գրառումներով փորձում են պաշտպանել Հակոբ Արշակյանին և այդ փոխոցային պաշտպանությանը մասնակցում են նաև «Իմ Քայլը» դաշինքի պատգամավորնրը։

«Մեդիա Պաշտպան» նախաձեռնությունը փաստում է, որ իշխանությունները չեն ընդունում սեփական սխալները, ավելին շարունակում են խոսքի ազատութույան դեմ ագրեսիվ հարձակումները՝ հայհոյելով խոսքի և լրագրողների իրավունքնրի պաշտպանության համար ձայն բարձրացրած իրավապաշտպան կառույցին։

«Մեդիա Պաշտպան» նախաձեռնությունը ևս մեկ անգամ հիշեցնում է, որ սատարում է լրագրող Փայլակ Ֆահրադյանին, իսկ այս դեպքում նաև ՄԻՊ գրասենյակին․ փողացային բարքերն անընդունելի են։