Ինքնադատաստան ՌԴ Կրասնոյարսկի երկրամասում հրդեհի մեղավորի նկատմամբ (տեսանյութ)

ՌԴ Կրասնոյարսկ երկրամասի Բելոգորկա գյուղի բնակիչները քիչ էր մնում ինքնադատաստան տեսնեին տեղացի հողագործի նկատմամբ, որը, ենթադրաբար, այրել է խոտը, որն էլ աղետալի հրդեհի պատճառ է դարձել: 70-ամյա տղամարդը փակվել էր տանը, որտեղ ցանկանում էին ներխուժել նրա համագյուղացիները: Ոստիկանությանը հաջողվել է կանխել հարձակումը մեղավորի վրա: Հիմա հողագործին սպասում է դատ ու, հավանաբար, ազատազրկում: Նախնական տվյալներով, ևս մեկ մեղավոր կա:

Դաշտերում առկա հրդեհը համակել էր նաև գյուղի երկու փողոց՝ 17 տուն:

- Ամեն ինչ՝ խոտ, տուն կրակի ճիրաններում էր, մարդիկ մի կողմից մյուսն էին վազում, չիմանալով ուր փախչել: Երբ մոտեցա, իմ տունը դեռ չէր այրվում: Հրդեհը բռնկվեց աչքիս առաջ: Չկարողացա մոտենալ, անտանելի տապ էր, - պատմում էր տուժածներից մեկը՝ Վլադիմիր Լեշկովը:

Հրդեհի հետևանքով տուժած քաղաքացիները տեղավորվել են ժամանակավոր կացարաններում:

Աղետի մեղավորներից մեկը բերման է ենթարկվել, մյուսը՝ հետախուզման մեջ է հայտարարվել:

Նշվում է, որ այդ շրջանում դա միակ բնակավայրը չէ, որը տուժել է հրդեհից:

Մանրամասները՝ Вести.ru-ի տեսանյութում` քիչ անց:

Zham.am