Եթե Երեւանից Դաղստան 1050 կմ-ից 870 կմ-ն անցնում է Ադրբեջանով, երկաթուղու սակագներն ո՞վ է որոշելու. Միքայել Մելքումյան

Պատերազմի հանգամանքները քննող պարիտետային հանձնաժողով կարող է ստեղծվել միայն իշխանափոխությունից հետո. այն իշխանությունը, որը պետք է ինքն իրեն քննի, դա չի կարող լինել վստահություն ներշնչող: Այս մասին ԱԺ-ում լրագրողների հետ զրույցում նշեց ԱԺ ԲՀԿ խմբակցության պատգամավոր Միքայել Մելքումյանը:

Դիտարկմանը, թե արդյոք այդ ժամանակ արդեն հնացած չեն լինի շատ իրադարձություններ, նա պատասխանեց. «Ես չեմ կարծում, որ իշխանափոխության գործընթացն ուշանալու է, որովհետեւ մենք կորցնում ենք հայրենիք: Հաշտվել հայրենիք կորցնելու մտքի հետ, անընկալելի է»

Անդրադառնալով Սերժ Սարգսյանի դիտարկմանը,թ ե 2018-ին տեղի ունեցածը հակաղարաբաղյան շարժում էր, Մելքումյանը նկատեց. «Այդ ընկալումը պայմանավորված է, ըստ երեւույթին, արդյունքներով, այս պատերազմի հետեւանքներով»:

Նա անդրադարձավ նաեւ ճանապարհների ապաշրջափակման թեմային. «Եթե Երեւանից Դաղստան ընկած 1050 կմ երկարությամբ ճանապարհից 870 կմ-ն անցնում է Ադրբեջանով, երկաթուղու սակագնային քաղաքականությունն ոնց է որոշվելու: Այսինքն եթե այդ 1050-ի մեջ 870 կմ-ն իրենն է, ում է ձեռք տալու, որ բեռը տեղափոխի: Իսկ բեռների ապահովագրությունն ինչ է նստելու, ով է իր վրա վերցնելու»:

Նա նկատեց, որ թշնամին հարձակվում է երկու դեպքում, նախ, երբ համոված է, որ դիմացինը ամենաթույլ վիճակում է, երկրորդ, երբ համոզված է, որ ինքը հաղթելու է:

Աղբյուր՝ NEWS.am