Ադրբեջանցիները երկու կողմից մոտեցել են Ագարակին
«Ադրբեջանցիները պարբերաբար կրակոցներ են արձակում»,- այս մասին «Փաստինֆո»-ի հետ զրույցում հայտնել է Ագարակի գյուղապետ Հայկ Սարգսյանը՝ հավելելով, որ դրանք անկանոն են՝ դեպի օդ։
«Միշտ էլ այդպես է եղել, մի ժամանակ հանգիստ էր, իսկ հիմա նորից են սկսել»,- ասել է Սարգսյանը՝ նշելով, որ թեև կրակոցները վտանգավոր չեն, բայց բնակիչներն անհանգստանում են։
Ադրբեջանցի զինծառայողները Սյունիքի գյուղերի անմիջական հարևանությամբ կրակում են ինչպես փոքր, այնպես էլ խոշոր տրամաչափի զինատեսակներից՝ տարբեր ժամերի։ Այս մասին փաստող տեսանյութն արվել է երկու օր առաջ։ Կրակոցների վայրից դեպի Ագարակ գյուղ ուղիղ գծով մոտ 1 կմ է։ Սարգսյանը տեղեկացրել է, որ գյուղի ներքևի հատվածում հենց այդքան հեռավորության վրա է թշնամին, իսկ գյուղի վերևի հատվածից ադրբեջանցիները կրկին առաջ են եկել՝ հիմա 4 կմ-ի վրայից են հսկում սահմանները։
Մանրամասները՝ սկզբնաղբյուրում:
Հետևեք մեզ Facebook-ում