Վրաերթի ենթարկված տղամարդը հիվանդանոցում մահացել է

Հունվարի 22-ին, ժամը 19.00-ին, Երևանի Եղվարդի խճուղին և Սասնա ծռերի փողոցը կապող հատվածում «Նիսան» մակնիշի ավտոմեքենայի վարորդը վրաերթի էր ենթարկել 40-ամյա քաղաքացու, որը մարմնական վնասվածքներով տեղափոխվել էր հիվանդանոց:

Հունվարի 26-ին, ժամը 04.25-ին, հիվանդանոցից հայտնել են, որ վրաերթի հետևանքով հիվանդանոց տեղափոխված 40-ամյա Բախշի Գրիգորյանը վերակենդանացման բաժանմունքում մահացել է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: