Սերժ Սարգսյանը մտադրություն ունի 2018 թվականին դառնալ վարչապետ. Քննարկում (Տեսանյութ)

Zham.am-ի «Ամբիոն» հաղորդաշարի շրջանակներում տեղի ունեցավ քննարկում¸ որին մասնակցում էին քաղաքագետ Արմեն Գրիգորյանը և «Պոլիտիկիա» կենտրոնի նախագահ Դերենիկ Մալխասյանը:

Արմեն Գրիգորյանը¸ ներկայացնելով դիտարկումները Ազգային ժողովի արդյուքների հետ կապված¸ հատուկ ընդգծեց¸ որ վարչական ռեսուրսը ավելի մեծ ազդեցություն ունեցավ ընտրությունների արդյունքի վրա¸ քան կաշառքը: Որպես օրինակ Գրիգորյանը ներկայացրեց Դաշնակցության տվյալները Երևանում և մարզերում՝ նշելով¸ որ եթե Երևանի 4 ընտրատարածքներում Դաշնակցությունը հավաքեց 6000-ական ձայն¸ ապա Շիրակի մարզում¸ որտեղ մարզպետը Դաշնակցության ներկայացուցիչ է¸ կուսակցությունն ավելի քան 12 հազար ձայն ստացավ:

«Պոլիտիկա» կենտրոնի նախագահ Դերենիկ Մալխասյանն էլ իր հերթին ընդգծեց¸ որ ընտրություններից հետո շրջանառության մեջ դրված այն թեզը¸ թե իբր ժողովուրդը գնաց և վաճառեց ձայները հատուկ էր ներդրվել իշխանության կողմից և սատարվել ընդդիմության կողմից՝ ընտրությունների արդյունքներին որոշակի լեգիտիմություն հաղորդելու համար:

Բանախոսներն անդրադարձան նաև Սերժ Սարգսյանի քաղաքական ծրագրերին 2018 թվակնից հետո ՝ նախագահի լիազորությունների ժամկետն ավարտելուց հետո և նշեցին¸ որ Սերժ Սարգսյանը կփորձի իր ձեռքում պահել ոչ միայն ոչ ֆորմալ¸ այլ նաև ֆորմալ իշխանությունը Հայաստանում¸ այն է՝ զբաղեցնել ոչ միայն ՀՀԿ-ի ղեկավարի պաշտոնը¸ այլ նաև դառնալ ՀՀ վարչապետ:

Մանրամասները՝ Zham.am-ի տեսանյութում