Մոսկվա-Երևան չվերթի ժամանակ հարբած ուղևորը հայհոյել ու սպառնացել է անձնակազմին

Հունվարի 16-ին` 04։30–ին, Մոսկվա-Երևան չվերթի օդանավի վայրէջքից հետո ՌԴ հայազգի քաղաքացի Մ.Թ.-ն բերման է ենթարկվել «Զվարթնոց» օդանավակայանի ոստիկանություն:

Այս մասին Tert.am–ին հայտնեցին ՀՀ ոստիկանության լրատվության և հասարակայնության հետ կապերի վարչությունից` նշելով, որ ահազանգը ստացվել է գծային բաժնից այն մասին, որ օդանավում կա անկարգ ուղևոր:

Մեկնած խումբը պարզել է, որ նշված թռիչքի ժամանակ ուղևորը գտնվել է ալկոհոլի ազդեցության տակ, չի ենթարկվել ինքնաթիռի անձնակազմի օրինական պահանջներին, հայհոյանքներ ու սպառնալիքներ տեղացել բորտուղեկցորդներին։

Ոստիկանությունից հայտնեցին, որ նշված դեպքով կատարվում է նախաքնննությունը, գործը փոխանցվել է Քննչական կոմիտեին: