Հարգելի՛ ծառայակիցներ, աշխատանքից ազատման զեկուցագիր եմ ներկայացրել, վստահ եմ՝ խորաթափանց հայացքով իրականությանը նայելու դեպքում ինքներդ կկայացնեք նույն որոշումը. ոստիկանության մայոր Դ. Ուզունյան

Հարգելի՛ ծառայակից ընկերներ, ստեղծված իրավիճակից ելնելով՝ ստիպված եմ դադարեցնել ծառայությունս Ոստիկանությունում։ Այս մասին ֆեյսբուքյան իր էջում գրել է Ոստիկանության մայոր, Երևան քաղաքի վարչության Արաբկիրի բաժնի քրեական հետախուզության օպեր լիազոր Դերենիկ Ուզունյանը:

«Տարիներ շարունակ ծառայել եմ օրենքին ու իրավունքին:

Սա հիրավի ծանր որոշում էր, ինքնակամ զեկուցագիր եմ ներկայացրել աշխատանքից ազատվելու կապակցությամբ և լքում եմ Ձեր շարքերը հանուն փրկության, վստահ եմ՝ փոքր-ինչ խորաթափանց հայացքով իրականությանը նայելու դեպքում ինքներդ կկայացնեք նույն որոշումը, մնացեք բարյավ, անվտանգություն և խաղաղություն մեզ բոլորիս։

Աստված պահապան մեր Հայրենիքին»,- գրել է նա:

Նշենք, որ ավելի վաղ ՀՀ ոստիկանության ավագ լեյտենանտ Վանիկ Պարույրյանը ֆեյսբուքյան իր էջում գրառում է արել՝ տեղեկացնելով համակարգում աշխատանքից դուրս գալու որոշման մասին։ Նա մասնավորապես գրել էր, որ այժմ կանգնած ենք էլ ավելի լուրջ վտանգի առաջ, քան պարտադրված պատերազմի ժամանակ, մեզնից է կախված Հայրենիքի անվտանգության երաշխիքը:

ՀՀ ոստիկանության նախկին կապիտան Վան Գրիգորյանը ևս դիմել էր իրավապահ կառույցներին՝ հորդորելով չծառայել այս այլասեռված, անգրագետ, դավաճան իշխանություններին և անհապաղ միանալ ժողովրդին: