Արմեն Բադալյան. «Ընտրությունների ինստիտուտը դադարեց գոյություն ունենալ ապրիլի 2-ից հետո» (Տեսանյութ)

Zham.am-ի «Ամբիոն» հաղորդման հյուրն է քաղտեխնոլոգ Արմեն Բադալյանը:

Բադալյանը¸ վերլուծելով Ազգային ժողովի ընտրությունների արդյունքերը¸ նշեց¸ որ այս խորհրդարանը ավելի վերահսկելի է լինելու երկրի նախագահի համար¸ քան նախորդ խորհրդարանները՝ ընդգծելով¸ որ խորհրդարանում ուժերի այսօրվա դասավորվածությունը ավելի մեծ շանսեր է թողնում Սերժ Սարգսյանին 2018 թվականից հետո վարչապետի պաշտոնը զբաղեցնելու համար: Քաղտեխնոլոգն անդրադարձավ նաև մայիսի 15-ին կայանալիք Երևանի ավագանու ընտրություններին՝ կարծիք հայտնելով¸ որ դա միայն ֆորմալ տեսանկյունից է լինելու ընտրություն¸ իսկ արդյունքերն արդեն հիմա էլ պարզ են. Հանրապետականը կպահպանի իր մեծամասնությունը և իր համար հիմա կարևոր հարց է միայն մասնակցության պատշաճ մակարդակ ապահովելը:

Արմեն Բադալյանն ասաց նաև¸ որ Ավագանու ընտրություններից հետո ավելի ակներև կդառնան Կարեն Կարապետյանի և Սերժ Սարգսյանի միջև հակասաությունները¸ որոնք պայմանավորևված են նրանով¸ թե ով կզբաղեցնի ՀՀ վարչապետի պաշտոնը 2018 թվբականի ապրիլից հետո¸ այսինքն՝ Սերժ Սարգսյանի նախագահական լիազորությունների ավարտից հետո:

Արմեն Բադալյանը նշեց¸ որ այս պահի դրությամբ կարելի է արձանագրել¸ որ Սերժ Սարգսյանն առայժմ առավելություն ունի Կարեն Կարապետյանի նկատմամբ¸ քանի որ վերջինս այդպես էլ մնաց մենեջերի կերպարում և չստեղծեց իր քաղաքական թիմը ու դեռ չի ծավալել քաղաքական այն գործունեությունը¸ որն իրեն հնարավորթւյուն կտար պահպանել իր պաշտոնը 2018 թ. ապրիլից հետո:

Մանրամասները՝ Zham.am- ի տեսանյութում

Zham.am