Ադրբեջանում ԱՄՆ-ի և Մեծ Բրիտանիայի դեսպանատները արգելել են իրենց քաղաքացիներին այցելել այդ երկիր. Լուսանկարներ

Ադրբեջանում ԱՄՆ դեսպանատունը կոչ է արել իր քաղաքացիներին վերանայել COVID-19-ի եւ ահաբեկչության պատճառով այդ երկիր մեկնելու հնարավորությունը: Դիվանագիտական առաքելության հաղորդագրության մեջ ասվում է, որ Ադրբեջանում ահաբեկչական խմբավորումների կողմից սպառնալիք կա, որոնք շարունակում են մտածել երկրում հնարավոր ահաբեկչությունների մասին:

Դեսպանատունը նաև կոչ է արել զինված հակամարտության պատճառով չայցելել Լեռնային Ղարաբաղ։ ԱՄՆ քաղաքացիներին խորհուրդ է տրվում խուսափել Հայաստանի եւ Ադրբեջանի միջև «շփման գծի» և միջազգային սահմանի մոտ ճանապարհներից: Դեսպանատունը խորհուրդ է տվել այն քաղաքացիներին, ովքեր որոշել են այցելել Ադրբեջան, խուսափել ցույցերից, պահպանել զգոնությունը, հետևել տեղական ԶԼՄ-ների հաղորդագրություններին, նախապատրաստել արտակարգ իրավիճակներում գործողությունների պլան և այլն:

Ադրբեջանում Մեծ Բրիտանիայի դեսպանությունը նույնպես հաղորդագրություն է տարածել, որի մեջ նշվում է, որ Ադրբեջանում գոյություն ունի ահաբեկչական գործողությունների մեծ սպառնալիք, որոնք ընդհանուր առմամբ ուղղված են Մեծ Բրիտանիայի և բրիտանացիների դեմ: Հաղորդագրությունում նշվում է, որ ահաբեկչության վտանգը գալիս է Իրաքի և Սիրիայի հակամարտություններից մոտիվացված անձանցից կամ խմբավորումներից:

Լոնդոնն իր քաղաքացիներին հորդորել է խուսափել Ադրբեջան կատարելիք այցերից:

Zham.am