Պուտինն անվտանգության խորհրդի անդամների հետ քննարկում է Հարավային Կովկասում տիրող իրավիճակը
Ռուսաստանի Դաշնության նախագահ Վլադիմիր Պուտինը անվտանգության խորհրդի մշտական անդամների հետ քննարկում է Հարավային Կովկասում տիրող իրավիճակը: Այս մասին ասվում է ՌԴ նախագահի պաշտոնական կայքում:
Խորհրդակցության մեկնարկին ՌԴ նախագահն ընդգծել է, որ ի թիվս այլ հարցերի քննարկելու են նաև իրենց սահմաններին շատ մոտ առկա իրավիճակը, այդ թվում՝ իրավիճակը Հարավային Կովկասում:
«...Կքննարկենք իրավիճակը, որը տեղի է ունենում մեր սահմաններին շատ մոտ, այդ թվում Հարավային Կովկասում...», - ասաց Ռուսաստանի նախագահը:
Վլադիմիր Պուտինն ՌԴ Անվտանգության խորհրդին տեղեկացրել է նաև Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հետ հեռախոսազրույցների մասին:
«Ռուսաստանի, Ադրբեջանի եւ Հայաստանի արտգործնախարարների հանդիպումից առաջ Ռուսաստանի նախագահ Վլադիմիր Պուտինը հանդիպման մասնակիցներին տեղեկացրել է Ադրբեջանի նախագահ Իլհամ Ալիեւի եւ ՀՀ վարչապետ Նիկոլ Փաշինյանի հետ ունեցած հեռախոսազրույցների մասին»,- ասաց Պեսկովը:
Zham.am
Հետևեք մեզ Facebook-ում