Պեսկով. Ղարաբաղի խնդրով Ռուսաստանի, Հայաստանի և Ադրբեջանի ղեկավարների հանդիպում չի պլանավորվում

Հայաստանի, Ռուսաստանի և Ադրբեջանի ղեկավարների՝ Նիկոլ Փաշինյանի, Վլադիմիր Պուտինի և Իլհամ Ալիևի եռակողմ հանդիպումը՝ իրավիճակը Լեռնային Ղարաբաղում քննարկելու համար դեռ չի պլանավորվում: Այս մասին հինգշաբթի լրագրողների հետ զրույցում հայտարարել է ՌԴ մամուլի խոսնակ Դմիտրի Պեսկովը, փոխանցում է ՏԱՍՍ գործակալությունը: 

«Այս պահին նման հանդիպման մասին խոսք չի գնում», - ասաց նա:

Պեսկովը հավելեց, որ «ցանկացած շփում, որը կարող է կարգավորել իրավիճակը և դուրս բերել այն ուղիղ ռազմական բախման փուլից, կարող են միայն ողջունվել»:

Նրա խոսքերով չի նախատեսվում նաև ՌԴ նախագահ Վլադիմիր Պուտինի հանդիպումը Հայաստանի արտգործնախարար Զոհրաբ Մնացականյանի հետ, որը կայցելի Ռուսաստան հոկտեմբերի 12-ին:

«Այս պահին՝ ոչ, - ասաց Պեսկովը: - Բայց նախարարը ռուս գործընկեր Սերգեյ Լավրովի հետ բանակցություններ կունենա»:

Պեսկովը նշեց, որ Պուտինը մշտապես հեռախոսազրույցներ է ունենում Փաշինյանի հետ, «այդ երկխոսությունը կշարունակվի»:

Պեսկովը հավաստիացրեց, որ Լեռնային Ղարաբաղում իրավիճակը կարգավորելու համար քաղաքական ջանքերը շարունակվում են: 

«Երկխոսությունը շարունակվում է ամենատարբեր, ներառյալ բարձր մակարդակում», - նշեց նա:

Zham.am