Պեսկովը մեկնաբանել է Ղարաբաղում սիրիացի գորհայինների մասին Ասադի խոսքը
Ռուսաստանի նախագահի մամուլի քարտուղար Դմիտրի Պեսկովը մեկնաբանել է «ՌԻԱ Նովոստի»-ի հետ զրույցում Սիրիայի առաջնորդ Բաշար Ասադի ասածը Ղարաբաղում Սիրիայից ահաբեկիչներին օգտագոծելու մասին, հայտարարելով, որ Կրեմլում ուշադիր ծանոթանում են պետությունների ղեկավարների բոլոր հայտարարություններին։
«ՌԻԱ Նովոստի»-ի հետ զրույցում Ասադը հայտարարել էր, որ Սիրիայից գրոհայիններին տեղափոխում են Ղարաբաղ, եւ Թուրքիան Սիրիայից ու այլ երկրներից ահաբեկիչներին օգտագործում է Լեռնային Ղարաբաղում։ Նա նաեւ հայտարարել էր, որ Թուրքիայի առաջնորդ Էրդողանն է Ղարաբաղում հակամարտության նոր գալարի գլխավոր նախաձեռնողը։ «Նա աջակցում է ահաբեկիչներին Լիբիայում, նա Լեռնային Ղարաբաղում Ադրբեջանի եւ Հայաստանի միջեւ վերջերս սկսված հակամարտության գլխավոր հրահրողն ու նախաձեռնողն էր»,- ասել է Ասադը:
«Մենք ուշադիր ծանոթանում ենք պետությունների ղեկավարների բոլոր հայտարարություններին»,- ասել է Պեսկովը՝ պատասխանելով այն հարցին, թե արդյոք Կրեմլը ծանոթացե՞լ է Ասադի հայտարարություններին։
Zham.am
Հետևեք մեզ Facebook-ում