Ռուսաստանն ակտիվորեն ռազմական ինքնաթիռներ է ուղղում Հայաստան. Լուսանկար

Համաձայն աղբյուրների տվյալների և մոնիտորինգային բաց ռեսուրսների, որոնք թույլ են տալիս հետևել իրավիճակին օդային տարածությունում, վերջին մեկ օրվա ընթացքում Ռուսաստանի տարածքից Հայաստան է ուղղվել մեծ թվով ռուսական ռազմական ինքնաթիռներ: Տեղափոխումը սկսվել է Հայաստանի և Ադրբեջանի միջև բացահայտ առճակատումից մի քանի ժամ առաջ: Այս մասին հայտնում է Avia.pro-ն:

Այսպես, համաձայն ներկայացված տվյալների, 26-ի լույս 27-ի գիշերը Ռոստովի Պլատով օդանավակայանից Երևան է ժամանել ռազմական Ан-124 ինքնաթիռը, իսկ 6 ժամ անց սկսվեց ակտիվ առճակատում երկու երկրների միջև: 

Մի քանի ժամ անց նկատվել է ևս մեկ ռազմական ինքնաթիռ, որը, ինչպես նշվում է, նույնպես ուղղվում էր Երևան Ռոստովից: 

Հայաստանի և Ադրբեջանի միջև հակամարտության մեկնարկից հետո Հայաստանի օդային սահմանում՝ Թուրքիայի սահմանից ոչ հեռու, նկատվել է ևս մեկ ռուսական ռազմական օդանավ, ի դեպ, նշված ինքնաթիռները նշված ինքնաթիռը հնարավոր էր հետևել միայն միացված հաղորդիչով:

Ո՞րն է իրականում ռուսական ռազմական ինքնաթիռների Հայաստան տեղափոխման պատճառը, դեռ հայտնի չէ, սակայն սահմանին իրավիճակի սրման ֆոնին նման գործողությունները բավականին ռիսկային են, քանի որ և՛ Հայաստանը, և՛ Ադրբեջանը ակտիվորեն օգտագործում են իրենց հակաօդային պաշտպանության միջոցները, մասնավորապես, միայն մեկ օրվա ընթացքում արձակվել են մի քանի տասնյակ հրթիռներ, որոնք խոցել են 4 ուղղաթիռ և մոտ 40 անօդաչու թռչող սարք:

Zham.am