Ովքե՞ր են նոր խորհրդարանի կին պատգամավորները (Տեսանյութ)

Ապրիլի 2-ին տեղի ունեցած խորհրդարանական ընտրությունների նախնական արդյունքներն արդեն հայտնի են: Ազգային ժողովում կլինի չորս քաղաքական ուժ՝ Հանրապետական, «Ծառուկյան» դաշինք, «Ելք» դաշինք եւ Հայ հեղափոխական դաշնակցությունը։

Նախնական արդյունքներով, նոր խորհրդարանում կլնի 15 կին պատգամավոր:

Հանրապետական կուսակցությունը կունենա 7 կին պատգամավոր:

Արդարադատության նախարար Արփինե Հովհաննիսյանին կտեսնենք նոր խորհրդարանում¸ եթե նա ընդունի իր մանդատը որպես պատգամավոր, և հրաժարվի Արդարադատության նախարարի պաշտոնից:

ՀՀԿ-ի հաջորդ կին պատգամավորը նախկին լրագրող Մարգարիտ Եսայանն է: Հիշեցնենք¸ որ նա պատգամավոր էր նաեւ նախորդ խորհրդարանում։

ԱԺ նախկին փոխնախագահ Հերմինե Նաղդալյանը ևս կըդգրկվի նոր խոհրդարանաում:

Երգչուհի Շուշան Պետրոսյանը ՀՀԿ-ի մյուս կին պատգամավորն է:

Նոր խորհրդարանում առաջին անգամ կտեսնենք Շուշան Սարդարյանին: Նա վարչապետ Կարեն Կարապետյանի խորհրդականն է՝ հասարակական հիմունքներով։
Առաջին անգամ պատգամավոր է դառնում նաև Աշխատանքի եւ սոցիալական հարցերի փոխնախարար Ջեմմա Բաղդասարյանը։

Ինչպես նախորդ խորհրդարանում, այս անգամ էլ Ռուզաննա Մուրադյանը ԱԺ պատգամավոր է ընտրվել Հանրապետական կուսակցությունից։

«Ծառուկյան» դաշինքը նոր խորհրդարանում կունենա 4 կին պատգամավոր:
Բարգավաճ Հայաստան կուսակցության փոխնախագահ¸ նախկինում լրագրող Նաիրա Զոհրաբյանին այս անգամ ևս կտեսնենք խորհրադանում: Նա պատգամավոր է 2007 թվականից։

Առաջին անգամ պատգամավոր է դառնում Ծառուկյան դաշինքով Իվետա Տոնոյանը: Նա Գագիկ Ծառուկյանի մամուլի խոսնակն է¸ ինչպես նաեւ «Կենտրոն» հեռուստաընկերության լրատվական բաժնի գլխավոր խմբագիրը։

Նոր պատգամավոր է նաև Լուիզա Սարգսյանը։ Նա Հայաստանի Ազգային Պոլիտեխնիկական Համալսարանի Ռուսաց լեզվի ամբիոնի ասիստենտ է։

Նախկինում Հանրապետական կուսակցության ցուցակով ընտրված պատգամավոր Կարինե Պողոսյանն այս անգամ խորհրդարանում կհայտնվի «Ծառուկյան» դաշինքի կողմից։

Նախնական արդյունքներով, «Ծառուկյան» դաշինքից պատգամավոր է դառնում Մարինա Մարգարյանը։ Նա ԲՀԿ անդամ է, Մխիթար Հերացու անվան ԵՊԲՀ-ի պրոֆեսոր։

«Ելք» դաշինքը խորհրդարանում կունենա 9 պատգամավոր, որոնցից 2-ն են կին։ Նրանք առաջին անգամ են դառնում պատգամավոր:

Մանե Թանդիլյանը  «Սինոփսիս Արմենիա» ընկերության գլխավոր հաշվապահն է: Պարտադիր կուտակային կենսաթոշակային համակարգի դեմ ուղղված «Դեմ եմ» նախաձեռնության ակտիվիստներից էր, այսօր «Լուսավոր Հայաստան» կուսակցության խորհրդի քարտուղար:

ԵԼՔ դաշինքով խոհրդարան անցած մյուս պատռգամավորը Լենա Նազարյանն է: Նա լրագրող է Աշխատել է «Հետք» կայքում¸ եղել է Թեղուտի պաշտպանության քաղաքացիական նախաձեռնության անդամ։

Հայաստանի հեղափոխական դաշնակցություն կուսակցությունը խորհրդարանում կունենա 7 պատգամավոր, որոնցից մեկն է կին:

Արմենուհի Կյուրեղյանն առաջին անգամ է պատգամավոր ընտրվում։ Նա Վանաձորի պետական համալսարանի դոցենտ է։

Zham.am