Ղարաբաղյան հակամարտության կարգավորման փաստաթղթերում կա հանգուցալուծում, որը կապահովի խնդրի արդարացի լուծմանը. Սերգեյ Լավրով

Ղարաբաղյան հակամարտության կարգավորման փաստաթղթերում կա հանգուցալուծում, որը կապահովի խնդրի արդարացի լուծմանը: Այս մասին հայտարարել է ՌԴ ԱԳ նախարար Սերգեյ Լավրովը՝ МГИМО-ի ուսանողների առաջ ունեցած ելույթի ժամանակ։

«Մեր գիծը հիմնվուրմ է այն փաստաթղթային փաթեթի վրա, որը մշակվել է մոտ 18 տարվա ընթացքում։ Կան այսպես կոչված Մադրիդյան սկզբունքները, կան փաստաթղթերի թարմացված տարբերակները, որոնք հավանության են արժանացել կողմերի կողմից որպես հետագա աշխատանքների համար հիմք։ Այդ փաստաթղթերը պահվում են ԵԱՀԿ քարտուղարությունում։ Հնչում են առաջարկներ այն մասին, որ պետք է հրաժարվել այդ փաստաթղթերից և սկսել նոր մաքուր էջից կամ էլ ինչ- որ «պլան Բ» գործարկել։ Մենք կարծում ենք, որ դա մեծ սխալ կլինի եւ համոզված ենք, որ այս տարիների ընթացքում մշակվածը պետք է մնա որպես հիմք, մեր հետագա ջանքերի համար։ Ես չեմ մանրակրկիտ կերպով ներկայացնի, թե այնտեղ ինչ է համաձայնեցված։ Դա աշխատանքի գաղտնիացված մասն է։ Սակայն կարող եմ հավաստիացնել ձեզ, որ այնտեղ կա հանգուցալուծում, որը թույլ կտա ապահովել արդարացիություն եւ հայկական կողմի եւ ադրբեջանական կողմի ներկայացուցիչների համար»,- ասել է Սերգեյ Լավրովը։

Լավրովը նշեց, որ վերջին շրջանում մի քանի միջադեպեր են տեղի ունեցել առաջնագծում, որոնք, իհարկե, շատ լրջորեն ավելացրել են լարվածությունը և չեն նպաստել դրական  կարգավորման դինամիկային:

Zham.am