Արցախյան հակամարտության կարգավորումը կախված է Հայաստանի և Ադրբեջանի քաղաքական կամքից և փոխզիջումային որոշումներից

«Նովոյե Վրեմյա» թերթում այսօր հրապարակվել է ՌԴ ԱԳ նախարար Սերգեյ Լավրովի հոդվածը¸ որը նվիրված է  Ռուսաստանի և Հայաստանի  ռազմավարական գործընկերության 25 ամյակին:

«2017թ. ապրիլի 3-ին նշվում է կարևոր իրադարձություն. Ռուսաստանի Դաշնության և Հայաստանի Հանրապետության դիվանագիտական հարաբերությունների հաստատման 25-ամյակը: Այս ամսաթիվը խորհրդանշում է հայ-ռուսական հարաբերությունների նոր փուլ, որը հարյուրամյակների պատմություն ունի»,-նշվում է հոդվածում:

Նա նշել է¸ որ Արցախյան հակամարտության կարգավորումը կախված է Հայաստանի և Ադրբեջանի քաղաքական կամքից և փոխզիջումային որոշումներից. «Շատ հարցերի շուրջ հաջողվել է պայմանավորվածություն ձեռք բերել. մնացել են մի քանի հարցեր, որոնք ամենաբարդն են: Սակայն ակնհայտ է, որ աշխատանքի արդյունքները կախված են առաջին հերթին երկու կողմերի քաղաքական կամքից, ճկունություն և փոխզիջումային որոշումներ կայացնելու նրանց պատրաստակամությունից»,-ասել է նա:

Լավրովը անդրադարձ է կատարել նաև Հայաստանի և Ռուսաստանի միջև տնտեսական զարգացմանը: Ըստ նրա ապրանքաշրջանառությունը աճել է 6 տոկոսով. «Մեզ է բաժին ընկնում արտասահմանայան ներդրումների շուրջ կեսը, մոտավորապես 3 միլիարդ դոլար: Հանրապետությունում աշխատում է շուրջ 2000 ձեռնարկություն՝ ռուսական մասնակցությամբ»,-գրել է նա:

Նրա խոսքով կողմերի համար նոր հորիզոններ են բացվել Եվրասիական տնտեսական միությանը Հայաստանի անդամակցությունից հետո:

Հոդվածն ամբողջությամբ՝ սկզբնաղբյուր կայքում

Zham.am