Թուրքիային և Ադրբեջանին ի պատասխան Ռուսաստանը նույնպես սկսել է իր զորավարժությունները տարածաշրջանում

Թուրքիային և Ադրբեջանին ի պատասխան Ռուսաստանն նույնպես սկսել է իր զորավարժությունները ողջ երկրով մեկ: Ընդ որում  այդ երկրի հարավային ռազմական շրջանում  Հայաստանում և Ռուսաստանի հարավային մարզերում  մասնակցելու է մոտ չորս հազար զինծառայող:

Ֆորմալ տեսանկյունից Ռուսաստանի այս քայլը ուղղված չէ Թուրքիայի և Ադրբեջանի դեմ և դրա մասին հայտարարեց նաև Սերգեյ Շոյգուն,  քանզի այս զորավարժությունները անց են կացվում ողջ Ռուսաստանով, որում մասնակցում են մոտ 150 հազար զինծառայող:

Սակայն դիտորդների կարծիքով Մոսկվայի այս քայլը անսպասելի է եղել բոլորի համար.  և այն զուգադիպել է թուրքական զորքերի ներխուժման հետ  Նախիջևան:

Հիշեցնենք, որ թուրքական մոտ 11 հազար զինծառայող մասնակցում են համատեղ թուրք-ադրբեջանական զորավարժություններում:

Հասկանալի է, որ ցանկացած նման զորավարժություն  սպառնալիք է Հայաստանի համար: Հենց այդ իսկ պատճառով էլ ռուսական զորավարժությունները անչափ կարևոր են մեզ համար: Եվ իզուր չէ, որ ռուսական այս զորավարժություններում  մասնակցում է նաև Հայաստանը:

Հասկանալի է, որ նման լարված պայմաններում միայն անվտանգության հարթակում հնարավոր չէ կանխել վտանգները:

Հայ-ռուսական հարաբերություններն պիտի նորմալ վիճակի մեջ դրվեն նաև քաղաքական հարթակում, ինչը այսօր չկա:

Սա է իրականությունը:

Արտակ Հակոբյան