Արայիկ Հարությունյան, կարելի՞ է մարդկանց հետ շախմատի կանոններով խաղալ, իսկ խաղի կեսից բոքսի կանոններ կիրառել

Ինչպես հայտնի է ԿԳՄՍ նախարարությունն որոշել էր այս տարվա ԲՈՒՀի ընդունելության ձևն ու կարգը փոփոխել: Բայց դա նա որոշել էր կատարել  սույն թվականի մայիսի 21-ին: Ինչ է դա նշանակում, պետք չէ բացատրել: Գաղտնիք չէ, որ ԲՈՒՀ  ընդունվողներն նախորոք են պարապում իրենց հիմնական առարկաները, մասնավորի մոտ: Բացի այդ  դիմորդներն իրենց հաշվարկներն այնպես էին կազմում, որ եթե իրենց ուզած ԲՈՒՀ-ում ընդունվել չհաջողվեր, ապա համապատասխան բալերի դեպքում կարող եին ընդունվել այլ ԲՈՒՀ:

Այստեղ արդարության ցուցանիշը  բալերի քանակն պիտի լիներ: Նախարարության մոտեցումն  այս տարվանից էապես փոխվել էր: Այստեղ կարծում են, որ արդարացի չէ, որ դիմորդն հայտնվի մի ԲՈՒՀ-ում մյուսի փոխարեն, բացառապես իր ստացած բալերի քանակի պատճառով, քանզի ստացվում է, որ շատ դիմորդներ զրկվում են սովորել իրենց ուզած ԲՈՒՀ-ում, մինչդեռ նրանց տեղը հայտնվում են դիմորդներ, որոնք, ճիշտ է ավելի շատ բալ էին հավաքած եղել, սակայն  նախապես այլ մասնագիտություն էին ընտրել:

Պետք է ասել, որ արդարության տեսանկյունից  դժվար է ասել, թե որ սկզբունքի կիրառումն է ճիշտ: Համենայն դեպս անհրաժեշտ էր, որ անցկացվեին  լայն հանրային քննարկումներ, ընդ որում, առնվազն մեկ տարի առաջ, որպեսզի դիմորդներն իրենց ռազմավարությունը նախապես կարողանային մշակել:

Սակայն ԿԳՄՍ-ի նախարարության ներկայացուցիչներն այս հարցում ցուցաբերել էին առհամարական մոտեցում  այս տարվա դիմորդների հանդեպ, նույնիսկ չհասկանալով, որ նման կեցվածքը վիրավորանք է քաղաքացիների համար:

Սա ցույց է տալիս այս իշխանության առհամարական մոտեցումն սեփական քաղաքացիների հանդեպ, քանզի նույնիսկ կային դիմորդներ, որ այսօր են իմացել այս փոփոխությունների մասին: Նախարարության ներկայացուցիչը նույնիսկ ցինիկաբար նշում է, թե «13 000 դիմորդների հատ հատ չէին կարող իրազեկել այս նոր մոտեցման մասին»:

Սա արդեն լկտիության գագաթնակետն է, քանզի պատասխանատու իշխանությունն առնվազն մեկ տարի առաջ պիտի ընդուներ նման որոշում, այն էլ լայն քննարկման արդյունքում, քանզի խիստ վիճելի է, թե ինչու, օրինակ,  7 բալ հավաքածը կարող է ընդունվել իր ուզած ԲՈՒՀ, իսկ 17 բալ հավաքածը` ոչ:

Հասմիկ Գրիգորյան