Արտաքին պարտքն ավելանում է․ իշխանությունը պատրաստվում է, վերջերս հայտարարած վարկերից զատ, եւս մեկ վարկ վերցնել
«Փաստ» թերթը գրում է. «Գաղտնիք չէ, որ համավարակային վիճակով պայմանավորված՝ անհրաժեշտ ֆինանսներ ներգրավելու նպատակով գործող իշխանությունները ստիպված են նոր վարկային միջոցներ ներգրավել։ Չնայած այն հանգամանքին, որ Նիկոլ Փաշինյանն իր ընդդիմադիր գործունեության ընթացքում քննադատում էր վարկային միջոցների ներգրավումը, հիմա նա այդ ամենը համարում է նորմալ ու բնական գործընթաց։
«Փաստ» թերթի տեղեկություններով, իշխանությունները պատրաստվում են, վերջերս հայտարարված վարկերից զատ, եւս մեկ վարկային միջոց ներգրավել, որը հիմնականում պետք է ուղղվի բյուջետային ծրագրերի որոշակի հատվածին «միս ու արյուն» տալուն (ճանապարհաշինություն, գյուղատնտեսության աջակցություն եւ այլն)։
Մեր աղբյուրը փոխանցում է, որ խոսքը շուրջ 200 մլն դոլարի մասին է, որը կառավարությունը պատրաստվում է վերցնել Ասիական բանկից։ Մասնագետներն այս առիթով փաստում են, որ մի կողմից՝ առկա վիճակն է ստիպում գնալ նման քայլերի, սակայն մյուս կողմից՝ ցանկացած մեկ դոլար արտաքին նոր պարտք ներգրավելով՝ լրացուցիչ բեռ է դրվում ՀՀ կայուն զարգացման, ինչպես նաեւ ապագա տնտեսական զարգացման հարցում: Այնինչ, այս պահի դրությամբ արդեն մենք ունենք արտաքին պարտքի անցանկալի ցուցանիշներ»:
Մանրամասները՝ թերթի այսօրվա համարում։
Հետևեք մեզ Facebook-ում