Իսկ ինչ է, Ադրբեջանը չի՞ կարող բանակցել, ասենք զինվելու համար ժամանակ շահելու նպատակով. Տեսանյութ

Հայոց պարտվողականները նշում են, որ եթե Ադրբեջանը բանակցում է, նշանակում է համաձայն է փոխզիջումների: Իսկ ինչ է, Ադրբեջանը չի՞ կարող բանակցել, ասենք զինվելու համար ժամանակ շահելու նպատակով:

ՀՀ առաջին նախագահն այնպես է խոսում ԵԱՀԿ Մինսկի խմբի համանախագահների մասին, կարծես վերջիններս արբիտրաժային դատարան լինեն, որի ասածը պարտադիր է բոլորի համար, իսկ Մադրիդյան սկզբունքները` վերջնական վճիռ: Այնինչ նրանք ընդամենը միջնորդներ են, իսկ նրանց ներկայացրածը ընդամենը քննարկման նյութ:

Այդպիսի առաջարկներ բազմաթիվ են եղել արցախյան կարգավորման մեջ: Հետո փորձում են մեզ համոզել, թե իրողությունները սրանք են, մենք ոչինչ չենք կարող անել քան հաշտվել դրա հետ: Սա օբյեկտի հոգեբանություն է, որ ոչինչ չես կարող անել, նախօրոք արդեն ամեն ինչ կանխորոշված է միջազգային հանրության, մասոնների, գերտերությունների, գերբնական ուժերի կողմից: Արցախյան կարգավորման մասին պատկերացումների տարբերությունն էլ հենց դրանից է գալիս:

Որովհետև ոմանք օբյեկտի մտածելակերպ ունեն, իսկ մենք մտածում ենք սուբյեկտի տեսանկյունից, քանզի սուբյեկտը փոխում է իրողություններն իր օգտին, ավելին` ձևավորում է իրողությունները:

Հայկ Խանումյանի ֆեյսբուքյան էջից